Lankenemoo 16:10 - Mandinka Bible

¹⁰ Malaayika luulunjaŋo ye a la booloo boŋ wo daafeŋ saŋarariŋo la mansasiiraŋo kaŋ. Bituŋ feŋ-wo-feŋ meŋ be a la maraloo koto dibita, fo moolu ka ì neŋolu kiŋ dimiŋo kamma la.

Lankenemoo 16:10 ပူးပေါင်းရင်းမြစ်များ

Lankenemoo 9:2

Tumoo meŋ na a ye dinka dambaloo ñiŋ bundaa yele, siisii baa bota naŋ jee ko fuuri baa ka siisiyo bo ñaameŋ. Wo siisiyo ye tiloo niŋ foñoo dibindi kut.

Matiyu 8:12

Bari moolu mennu ñanta tara la Alla la mansabaayaa kono, wolu be fayi la banta le diboo kono, kumboo niŋ nimisoo be daameŋ.”

Lankenemoo 18:23

Lampu maloo te je la i la buŋolu kono kotenke, maañoo niŋ maañootiyo maakaŋo te moyi la i kono. I la safaarilaalu le keta nuŋ duniyaa moo baalu ti, i la buwaalu ye nasiyoŋolu bee neenee ì la batuutaa kuwolu la.

Lankenemoo 17:17

Alla le ye wo feeroo duŋ wo mansoolu sondomoo kono, ka a ke. Ì kambenta ka ì la mansayaa dii wo daafeŋ saŋarariŋo la fo waatoo meŋ na, Alla la kumoo be timmandi la.

Matiyu 22:13

Wo to le mansakewo ko a la dookuulaalu ye ko, ‘Ali a siŋolu niŋ a buloolu siti, ali ye a fayi banta diboo kono, kumboo niŋ nimisoo be daameŋ.’

Lankenemoo 18:21

Wo to le malaayika sembemaa baa ye beroo sika, meŋ warata ko tuurilaŋ bere baa. A ye a fayi fankaasoo kono. A ko: “Babiloni saatee baa si fayi duuma niŋ semboo la teŋ, a nene te soto la kotenke.

Luka 13:28

“Jee le to, ali be kumboo la, ali ye nimisa, niŋ ali ye Iburayima, Isiyaaka niŋ Yaakuba je Alla la mansabaayaa kono, ì niŋ annabiyomoolu bee, bari ali faŋolu be fayi la banta le.

Matiyu 24:51

Wo to le a be ñiŋ dookuulaa kuntuŋ-kuntuŋ na, a ye a niŋ bunaafayoolu ke dulaa kiliŋ, kumboo niŋ nimisoo be daameŋ.”

Jabuuroolu 78:49

A la kamfaa, diminnaa, jusukandoo, aniŋ niitooroo, a ye wolu le kafu ñoo ma, a ye malaayikoolu kii, ka moolu kasaara.

Lankenemoo 17:9

“Ñiŋ ye hakiloo niŋ ñaameŋo le kaniŋ. Wo kuŋ woorowuloo mu konko woorowuloo le ti, musoo be siiriŋ mennu kaŋ.

Matiyu 13:50

aduŋ ì be ì fayi la fuuri dimbaa wuleŋo le kono, kumboo niŋ nimisoo be daameŋ.”

Matiyu 13:42

Malaayikoolu be ì fayi la fuuri dimbaa wuleŋo le kono, kumboo niŋ nimisoo be daameŋ.

Lankenemoo 18:2

A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.

Lankenemoo 11:10

Moolu mennu be sabatiriŋ duniyaa kono taariŋ, wolu be seewoo la ì la saayaa kamma la le, ì be feetoo ke la, aduŋ ì be soorifeŋolu dii la ñoo la. Ì be seewoo la le saayiŋ, kaatu ñiŋ annabiyomu fuloo la kuwo ye ì toorandi le nuŋ.

Lankenemoo 11:8

Ì furewolu be tara la laariŋ saatee baa mbeedoolu kaŋ ne, ì ka meŋ misaali Sodomu niŋ Misira la. Wo le mu saatewo faŋo ti, ì Maariyo pempenta yiribantambiloo kaŋ daameŋ.

Lankenemoo 11:2

Bari luwo meŋ be Alla Batudulaa ñiŋ banta la, kana wo sumaŋ, kaatu a diita Alla lombaloolu le la. Ì be doriŋ-doriŋ na saatee senuŋo kaŋ ne fo kari taŋ naani niŋ fula.

1 Pita 2:17

Ali horomoo dii moolu bee la. Ali ye ali baadiŋ Yeesu noomalankoolu kanu. Ali sila Alla la. Ali ye ñiŋ banku baa mansa horoma.

Lankenemoo 8:12

Malaayika naaninjaŋo ye a la footaŋo fee. Wo ye tiloo la talaadaa sabanjaŋo maa, a niŋ karoo niŋ looloolu fanaa la talaadaa sabanjaŋo, fo ì la maloo la talaadaa sabanjaŋo naata dibi. Wo naata a tinna, tiloo niŋ suutoo la talaadaa sabanjaŋo keta diboo ti.