Lankenemoo 15:8 - Mandinka Bible

⁸ Bituŋ Alla la semboo niŋ a la kallankeeyaa* ye Batudulaa Buŋo ñiŋ fandi niŋ siisiyo la. Moo-wo-moo le maŋ duŋ noo jee to, fo biriŋ wo malaayika woorowuloo la mantooroolu banta.

Lankenemoo 15:8 ပူးပေါင်းရင်းမြစ်များ

Yesaya 6:4

Ì sari kaŋo ye a tinna le fo bundaa kaadaroolu aniŋ bundaa kuŋolu ka jiijaa, aduŋ Alla Batudulaa Buŋo* faata niŋ siisiyo la.

Lankenemoo 15:1

Bituŋ ŋa taamanseeri kaawakuuyaariŋ baa doo je Arijana kono. Wo mu malaayika woorowula le ti ì niŋ mantoora woorowula, mennu mu mantoora labaŋolu ti, kaatu Alla la kamfaa danta itolu le la.

2 Tesalonikankoolu 1:9

Kuluuroo be laa la wo moolu kaŋ ka bo niŋ badaa-badaa kasaaroo la. Ì te futa la Maariyo ñaatiliŋo la, ì ye jamfa a la waroo kallankeeyaa* la.

Jabuuroolu 29:9

Yaawe kumakaŋo ka yiri baalu firifirindi le, a ka sutoolu warawara, aduŋ moolu mennu bee be a batudulaa to, ka wuuri le, ka a fo ko, “Alla le taa mu semboo niŋ waroo ti.”

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

Niikuyaa Suukuwolu 3:44

Ŋà a je le i dibita m̀ ma karoo bee la ko tawaloo, fo ǹ na duwaa te futa noo la i ma.

Yeremiya 15:1

Bituŋ Yaawe* ko n ye ko, “Hani niŋ Annabilayi Musa niŋ Annabilayi Samuweli le loota n ñaatiliŋo la ka n daani ñiŋ moolu la kuwo la, n te balafaa la ì ye. Ì bayi ì ye bo n ñaa koto, ì ye taa jana!

2 Musa 19:18

Siisiyo ye Sinayi Konkoo bee muuri, kaatu Yaawe jiita a kaŋ niŋ dimbaa le la. Siisiyo budubuduta ko niŋ siisiyo ka bo fuuroo le to. Konkoo bee jarajarata kendeke,

3 Musa 16:2

A ko Musa ye ko: A fo i kotoomaa Haaruna ye, a kana duŋ Dulaa Senuŋ Baa* kono, ridoo ye konoto la, niŋ a maŋ ke a ñanta duŋ na jee waatoo meŋ na. Niŋ a ye wo ke, a be faa la le, kaatu Kambeŋ Kunewo* bitindaŋo be jee le to, meŋ mu junube kafari dulaa ti, n ka finti minaayoo kono meŋ kunto.

Lankenemoo 21:11

A ye Alla la kallankeeyaa* soto, a ka malamala ko bere ñiimaa. A kulooroo be le ko jasipa beroo, a be faramansariŋ ko weeri foroo.