Lankenemoo 14:6 - Mandinka Bible

⁶ Bituŋ ŋa malaayika doo je, a be tii kaŋ n kunto santo, a niŋ badaa-badaa kibaari betoo, a si meŋ kankulaa moolu ye, mennu be baluuriŋ duniyaa kono. A be a ke la nasiyoŋ-wo-nasiyoŋ ye, sii-wo-sii, kaŋ-wo-kaŋ aniŋ banku-wo-banku.

Lankenemoo 14:6 ပူးပေါင်းရင်းမြစ်များ

Maaka 16:15

Bituŋ a ko ì ye ko, “Ali taa duniyaa bee kono, ali ye kibaari betoo kawandi hadamadiŋolu bee ye.

Lankenemoo 8:13

Bituŋ ŋa juubeeroo ke, ŋa seeliŋo moyi kuma la niŋ kumakaŋ baa la, a be tii kaŋ n kunto santo. A ka a fo ko: “Kooroo, kooroo, kooroo be wo moolu ye, mennu be sabatiriŋ duniyaa kono, kaatu malaayika saba doo pareeta le ka ì la footaŋolu fee.”

Lankenemoo 3:10

Baawo i ye n na yaamaroo muta niŋ wakiiloo le la muñoo kono, m be ite tanka la wo kotoboroo waatoo la le, meŋ be naa la duniyaa bee kaŋ. A be naa la le ka moolu kotobo, mennu be baluuriŋ ñiŋ duniyaa kono.

Yesaya 51:8

Kaatu tumboo le be ì tiñaa la ko duŋ feŋo, baabaa ye ì tiñaa ko bayoo. Bari n na tiliŋo be tu la le fo abadaa, n na kiisoo ye tara jamaanoolu muumee bee ye.”

Yesaya 51:6

Ali saŋ fatoolu koroosi, ali ye bankoo juubee, saŋ fatoolu be yeemaŋ na le ko siisiyo, bankoo ye naa tiñaa ko funtoo, a moolu ye faa ko siyolu. Bari n na kiisoo be tu la le fo abadaa, aduŋ n na tiliŋo te boyi la muumeeke.

Jabuuroolu 139:24

A juubee fo kuu jawu si tara n kono, aduŋ i si n kanda siloo kaŋ, meŋ be labaŋ na fo abadaa.

Roomankoolu 16:25

Horomoo be Alla ye, meŋ si ali bambandi noo kibaari betoo la kuwo to, nte ka meŋ kawandi. Wo le mu Yeesu Kiristu la kuwo kiilaariyaa ti ka kulloo bankee, meŋ tarata maaboriŋ jamaani jamaa koomanto.

Jabuuroolu 145:13

I la maraloo be tu la le fo abadaa, i la noo ye tu jamaanoolu bee la. Yaawe ka tu tilindiŋ a la laahidoolu kaŋ ne, a ka balafaa yitandi a la keroolu bee to.

2 Tesalonikankoolu 2:16

M̀ Faamaa Alla ye ntolu kanu le, aduŋ a hiinanteeyaata le ka badaa-badaa sabarindiroo niŋ jiki betoo dii ǹ na. Ǹ ka ate le niŋ m̀ Maarii Yeesu Kiristu daani,

Daniyeli 9:21

Kabiriŋ m be duwaa kaŋ, malaayika Jibiril niŋ tariyaa tiita naŋ, a naata n kaŋ, wulaara sadaaboo waatoo la. Ŋa ate le je nuŋ koomanto, n na jeri foloo kono.

Lankenemoo 13:7

Siloo diita a la le ka keloo boyi Alla la moo senuŋolu kaŋ, aniŋ ka ì noo. Aduŋ kantiiyaa diita a la sii-wo-sii kaŋ ne, bankoolu, kaŋolu aniŋ nasiyoŋolu bee, ka ì mara.

Hiburunkoolu 13:20

Alla meŋ ka kayiroo dii, ŋa a daani ali ye le. Ate le ye m̀ Maarii Yeesu wulindi ka bo saayaa kono ka baluu kotenke. Ñiŋ Yeesu naata ke Kantarilaa Baa le ti ntolu ye, a la saajiyolu, ka bo niŋ a faŋo yeloo la, meŋ mu yeloo ti a la badaa-badaa kambeŋo ye.

Kolosankoolu 1:23

Wo be ke la le, niŋ ali foroyaata lannoo kono, aduŋ ali ye bambaŋ wakiiloo kono fo ali kana ali la jikoo bula kibaari betoo la kuwo to, ali ye meŋ moyi nuŋ. Ñiŋ kibaari betoo kawandita duniyaa bee le ye, aduŋ nte Pawulu naata ke wo le dookuulaa ti.

Matiyu 10:27

Nte ka meŋ fo ali ye diboo kono, ali si wo fo maloo kono. Aduŋ ali ye dumburoo meŋ moyi ali tuloolu la, ali si wo kankulaa kankaraŋo santo.

Lankenemoo 10:11

Wo to le ŋa yaamaroo soto ko, n ñanta kiilaariyaa kumoo fo la le kotenke, bankoolu la kuwo to, nasiyoŋolu, kaŋolu aniŋ mansoolu.

Daniyeli 4:1

Mansa Nebukanesa ye ñiŋ kankulaaroo le kii banku-wo-banku to, sii-wo-sii, aniŋ moolu bee, mennu be duniyaa daa-wo-daa: M be kayira baa duwaa la ali ye!

Esekiyeli 1:14

Bituŋ wo daafeŋolu fanaa ka taa kooma niŋ ñaato wo le ñaama, ko ŋalasoolu ka ke ñaameŋ.

Yesaya 45:17

Bari Yaawe le be alitolu Banisirayilankoolu kiisa la, aduŋ ali be tara la tankoo kono le fo abadaa. Ali te maloo waraŋ dooyaa soto la fo abadaa.

Jabuuroolu 119:142

I la tiliŋo be tu la a ñaama le fo abadaa, aduŋ i la karandiroo mu tooñaa le ti.

2 Samuweli 23:5

Fo n na dimbaayaa maŋ tiliŋ Alla fee baŋ, kaatu a niŋ ŋa kambeŋo le siti fo abadaa, jikoo meŋ te buruka la. A be maakoyiri baa le ke la n ye. N lafita meŋ-wo-meŋ na, fo Alla te m maakoyi la, a ye ke baŋ?

Yesaya 40:8

Ñaamoo ka noro le, a firoolu ye joloŋ, bari ǹ na Alla la kumoo ka tu looriŋ ne fo abadaa.”

1 Musa 1:6

Bituŋ Alla kumata ko, “Saŋ fatoo ye soto jiyolu teema, a ye jiyolu bondi ñoo to.”

Yesaya 6:2

Serafu malaayikoolu le tarata tii kaŋ a ye santo la, meŋ-wo-meŋ ye dampaŋ wooro le soto. Ì ka ì ñaadaalu muuri niŋ dampaŋ fula le la, fula doo, ì ka ì siŋolu muuri wolu le la, fuloo meŋ tuta, ì ka tii wolu le la.

1 Pita 1:25

bari Maariyo la kumoo ka tu looriŋ ne fo abadaa.” Wo kumoo le mu kibaari betoo ti, meŋ kawandita ali ye.

Lankenemoo 5:9

Bituŋ ì ye suukuu kutoo laa ko: “Ite le jarita ka kitaabu moromororiŋo taa, aniŋ ka a notoolu teyi. Kaatu ite le kanateyita, i ye moolu kumakaa Alla ye. Ite le yeloo keta kumakaaraŋo ti moolu bee ye, ka bo siyolu bee kono, kaŋolu, bankoolu, aniŋ nasiyoŋolu bee.

Lankenemoo 10:7

Bari wo luŋolu la, malaayika woorowulanjaŋo be a la footaŋo fee la waatoo meŋ na, Alla la feeroo be timmandi la le, meŋ be kulloo kono. Wo be ke la le ko a ye a bankee a la annabiyomoolu ye ñaameŋ, mennu mu a la dookuulaalu ti.