Lankenemoo 14:5 - Mandinka Bible

⁵ Faniyaa nene maŋ bo ì daa kono, ì maŋ sootaari soto.

Lankenemoo 14:5 ပူးပေါင်းရင်းမြစ်များ

Efesusinkoolu 5:27

fo a si a parendi a faŋo ye kallankeeyaa* kono. A ye wo ke le, fo lanjuuroo, noroo waraŋ wo ñoŋ kuu siifaa doo te soto la a bala, bari a si seneyaa sootaaribaliyaa kono.

Sefaniya 3:13

Moolu mennu be tu la Banisirayila kono, wolu te kuu jawu ke la, ì te faniyaa fo la, aduŋ tapaleeyaa neŋ te tara la ì daa. Ì si domoroo ke ì ye i laa, aduŋ moo te ì silandi noo la.”

Jabuuroolu 32:2

Seewoo be moo le ye, Yaawe* maŋ meŋ na kuu jawoo muta a kamma, aniŋ jenkoo te meŋ kono.

Yuuda 1:24

Tenturoo niŋ jayiroo be ate le ye, meŋ si ali tanka noo boyoo ma, ka ali sootaaribaloolu samba a la kallankeeyaa kono, ali be seewoo soto la a ñaatiliŋo la daameŋ.

Yohana 1:47

Kabiriŋ Yeesu ye Nataniyel je naa la a kaŋ, a ye a la kuwo fo ko, “Banisirayilanka tooñaa fele, tapaleeyaa te meŋ na kuwo to!”

Kolosankoolu 1:22

Bari saayiŋ, Alla ye a niŋ ali diyandi le ka bo niŋ Kiristu balajaatoo la, meŋ faata, fo ali si yitandi Alla ñaatiliŋo la ko moo senuŋolu mennu maŋ sootaaroo soto, aduŋ ì te tuumi noo la.

Luka 23:4

Wo to le Payileti ko piriisi* ñaatonkoolu niŋ moo doolu ye ko, “Nte maŋ sootaari je ñiŋ kewo bala.”

1 Pita 3:10

Kaatu a be safeeriŋ ne ko: “Jumaa le ye baluwo kanu ali kono? Jumaa le ka tara ñaaniriŋ baluu diimaa la? Wo maarii si a neŋo fatandi kuma jawoo ma, a ye fata faniyaa foo ma.

Matiyu 12:34

Alitolu daŋari koorewo! Alitolu moo jawoolu si kuma betoo fo noo ñaadii le? Sondomoo be faariŋ meŋ na, daa ka wo le fo.

Hoseya 10:2

Ì sondomoolu be faariŋ neeneeroo le la, saayiŋ fo ì si a dunoo taa. Yaawe* be ì la sadaabodulaalu boyi la le, a ye ì la bere samasiŋolu tiñaa.

Daniyeli 6:4

Bituŋ kuntiyolu niŋ kumandaŋolu ye a kata fo ì si sila soto noo ka kuma fo Daniyeli ma, a la dookuwo to mansamarali bankoo kaŋ. Bari ì maŋ sila soto a la, kaatu a tilinta le, aduŋ ì maŋ jenkoo je a la kuwo to waraŋ sootaaroo.

Kuma Kotoomaalu 8:8

N daakumoo bee tilinta le, feŋ te jee meŋ jenketa ì kono.

Jabuuroolu 34:13

Wo to i maarii si i neŋo fata kuma jawoo ma, i ye fata faniyaa foo ma.

Yesaya 53:9

A maŋ fitina kuu ke ñaa-wo-ñaa, aduŋ neeneeri kuma kenseŋ te a daa kono, ì ye a niŋ moo kuruŋolu le baadee dulaa kiliŋ, a niŋ fankamaalu denta kaburoo la.

Jabuuroolu 55:11

Kasaaroo le ka ke karoo bee la. Tilimbaliyaa niŋ neeneeroo le be faariŋ saatewo bendulaalu to.

Suukuwo 4:7

N kanuntewo, i dulaa bee le ñiiñaata, feŋ maŋ dasa i bala.

Malaki 2:6

Yaamari kendoo le ka bo ì daa kono, aduŋ faniyaa kuma buka laa ì neŋo kaŋ. Ì ka tara m fee kayiroo le kono, aniŋ tiliŋo, ka moolu koo dindi junube kuu kewo la.

Hiburunkoolu 9:14

Wo to, Kiristu yeloo duŋ, meŋ na kuwo warabaata beeyaŋ sadaalu yeloo ti! Ka bo niŋ badaa-badaa Nooroo la, a ye a faŋo dii sadaa ti, sootaari te meŋ na. Wo le ye a tinna a yeloo ka ǹ sondomoolu seneyandi ka bo baara nafantaŋolu kono, fo ǹ si Alla baluuriŋo batu noo.

1 Pita 1:19

Bari ali naata kumakaa Kiristu yele jankuriŋo le la. Ate le keta ko saajiiriŋo, meŋ maŋ sootaari soto, waraŋ lanjuuroo.

1 Pita 2:22

A maŋ junuboo ke, aduŋ neeneeri kuma kenseŋo nene maŋ bo a daa kono.