Lankenemoo 14:18 - Mandinka Bible

¹⁸ Wo to le malaayika doo naata ka bo sadaajanidulaa* to. Dimbaa semboo karafata wo le ma. Bituŋ a sarita niŋ sari baa la ka wo doo kumandi, meŋ ye woroto daa diimaa soto. A ko a ye ko, “I la worotoo taa, i ye duniyaa wo wayini* yiridiŋ ñatoolu kafu ñoo ma, kaatu ì diŋolu moota katiroo ye le.”

Lankenemoo 14:18 ပူးပေါင်းရင်းမြစ်များ

Yoweli 3:13

Ali worotoolu sika ì kamma, katiri waatoo siita le. Ali ye ì dori ko wayini* yiridiŋolu, kaatu doridulaa faata le tep, yiridiŋ jiyo siyaata le fo a ka boŋ, ì la kuruŋyaa siyaata teŋ ne.”

Lankenemoo 16:8

Wo to le malaayika naaninjaŋo ye a la booloo boŋ tiloo kaŋ. Siloo naata dii tiloo la ka moolu buruburu niŋ dimbaa la.

Maaka 4:29

Bari niŋ kesoo moota, jee niŋ jee, a si worotoo taa, kaatu katiri waatoo siita le.”

Lankenemoo 8:3

Bituŋ malaayika doo naata loo sadaajanidulaa* daala, sani cuuraayi siisindiraŋo be a bulu. Cuuraayi jamaa diita a la, ka a kafu Alla la moo senuŋolu bee la duwaa ma sani sadaabodulaa* kaŋ, mansasiiraŋo ñaatiliŋo la.

Lankenemoo 16:7

Bituŋ ŋa sadaajanidulaa* kumakaŋo moyi ko: “Tooñaa, ite Maariyo, Alla Mansa Taalaa, i la kiitiyolu mu tiliŋo niŋ tooñaa le ti!”