Lankenemoo 14:10 - Mandinka Bible

¹⁰ wo maarii fanaa be Alla la kamfaa baa doloo miŋ na le, meŋ niŋ semboo bee yelemata Alla la kamfaa baa mindaŋo kono. Wo maarii be toorandi la dimbaa niŋ solifa munkoo* le la, malaayika senuŋolu niŋ Saajiiriŋo ñaatiliŋo la.

Lankenemoo 14:10 ပူးပေါင်းရင်းမြစ်များ

Yesaya 51:17

Wuli! Wuli! Hee Yerusalaamu, i ñaa yele! I ye i miŋ Yaawe la kamfaa mindaŋo le la, i ye mindaŋ faa bee miŋ ne, fo i ka timili-tamali.

Lankenemoo 16:19

Bituŋ wo saatee baa farata talaadaa saba ti, duniyaa nasiyoŋolu la saatewolu tiñaata. Ñiŋ keta le, kaatu Alla hakiloo bulata Babiloni saatee baa la le. A ye kamfaa mindaŋo dii a la le ka i miŋ, aduŋ wo be faariŋ niŋ a la kamfaa doloo le la.

Jabuuroolu 75:8

Yaawe* la kamfaa mindammaa le be a bulu, meŋ mu a la kiitindiroo ti, moo jawoolu kamma. A be fuusa kaŋ wayini* fatiŋo le la. A be a bee le kupi la, hani tondoo te tu la, moo kuruŋolu ye a bee miŋ.

Jabuuroolu 11:6

A be dimbaa keñembu wuleŋo niŋ solifa* dimbaa le jindi la moo kuruŋolu kaŋ, komeŋ samaajiyo. A be ì jarabi la foño kandi jawu baa le la.

Lankenemoo 20:10

Bituŋ Seetaanoo meŋ ye ì neenee, a naata fayi dimbaa daloo kono, meŋ ka jani niŋ solifa munkoo* la, wo daafeŋ saŋarariŋo niŋ faniyaa annabiyomoo fayita nuŋ daameŋ to. Aduŋ ì be toorandi la jee le, suutoo niŋ tiloo, fo abadaa.

Lankenemoo 19:20

Daafeŋ saŋarariŋo ñiŋ mutata, aniŋ faniyaa annabiyomoo meŋ ye taamanseeri kaawakuuyaariŋolu ke a ñaatiliŋo la nuŋ. Ka bo niŋ wo kaawakuwolu la, a ye moolu neenee nuŋ, mennu ye daafeŋ saŋarariŋo la taamanseeroo soto, aniŋ ka a muluŋo batu. Itolu fuloo baluuriŋo le fayita dimbaa daloo kono, meŋ ka jani niŋ solifa munkoo* la.

Lankenemoo 18:6

Ali a joo ko a ye a ke ñaameŋ, jooroo dii a la siiñaa fula a la kebaara jawoolu to. Ali a ñaami a ye ko siiñaa fula mindaŋo kono, ali ye a naati a ye, ko a ye a ke ñaameŋ.

Lankenemoo 21:8

Bari jooteentuŋolu, lannabaloolu, moo kosoriŋolu, moofaalaalu, laañooyaa tulunnaalu, batuutaatiyolu, jalambatulaalu aniŋ faniyaa folaalu, wolu bee be ì niyo soto la wo daloo kono le, meŋ ka jani dimbaa niŋ solifa munkoo* la. Wo le mu saayaa fulanjaŋo ti.”

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Yuuba 21:20

Allamaa ì faŋo ñaakesoolu ye loo ì la kasaaroo kaŋ, ì ye Alla Tallaa la kamfaa jiimaa miŋ.

5 Musa 29:23

Solifa munkoo* niŋ koo si senebankoo bee tiñaa, feŋ te fii la jee, hani ñaamoo te faliŋ na jee. Ali la bankoo si ke ko Sodomu niŋ Komora, aniŋ Aduma niŋ Seboyimu, Yaawe ye mennu kasaara a la kamfaa saŋaroo tumoo la.

1 Musa 19:24

Bituŋ Yaawe ye solifa* dimbaa jindi Sodomu niŋ Komora saatewolu kaŋ ka bo saŋo santo komeŋ samaajiyo.

Yuuda 1:7

Sodomu niŋ Komora, ì niŋ ì dandanna saatewolu fanaa la kuwo keta nuŋ wo le ñaama. Ì la moolu tarata laañooyaa kuu jawoolu le la, ka ì daa duŋ malu kuu jawu kewo to. Ì la badaa-badaa yankankatoo dimbaa kono keta dandalaaroo le ti moolu bee ye.

Yesaya 30:33

Tooñaa, ì meeta Tofeti parendi kaŋ ne, ì ye a parendi mansa le kamma. A dinkoo bee mu dimbaa le ti, ì ye a fanundi ka a dinkandi. Loo niŋ dimbaa be fuumariŋ a kono. Yaawe la niijii foñoo meŋ malariŋo ka woyi naŋ, a be a hilihilindi la le.

Lankenemoo 18:3

Nasiyoŋolu bee ye i miŋ a la laañooyaa tuluŋo doloo la le. Duniyaa mansoolu niŋ a ye laañooyaa tuluŋo ke le, duniyaa safaarilaalu naata ke naafulutiyolu ti, a la fankoo semboo la.”

Habakuki 2:16

Ali be duŋ na maloo le kono, ali te buuñaa soto la muk. Ali fanaalu taa le siita, ka muluŋ ko siiratoo, ali kenseŋo ye loo, ka ali la sunnabaliyaa yitandi. Mindaŋ pootoo meŋ be Yaawe bulubaa buloo kono, ka naa alitolu le kaŋ, ka jaraboo yelema naŋ ali kaŋ. Horomoo meŋ be ali kaŋ, be yelema la ali ye maloo le ti.

Esekiyeli 20:48

Niŋ wo keta le, duniyaa bee be a loŋ na ko, nte Yaawe le ye ñiŋ dimbaa mala, moo te meŋ dubeŋ noo la.’ ”

Yeremiya 25:27

Yaawe ko: “A fo ì ye ko, nte Yaawe Alihawaa Maariyo, Banisirayila la Alla ye ñiŋ ne fo ko: Ali i miŋ, ali ye siira ka foonoo. Ali boyi, ali te wuli la kotenke, ñiŋ kamma m be keloo meŋ naati la ali kaŋ niŋ hawusaroo la.”

Yesaya 34:9

Boloŋolu mennu be Edomu be yelema la manoo le ti, bankoo ye yelema solifa munkoo* ti. Bankoo muumee bee si jani ko manoo.

Yesaya 29:9

Ali ali faŋolu hakilintaŋyandi doroŋ, ali ye hakilintaŋyaa. Ali ali faŋolu finkindi, ali ye finki. Ali ye siira, bari a te ke la doloo ti. Ali ye timili-tamali, wayini* te a saabu la.

Matiyu 26:39

Wo to le a taata ñaato domandiŋ, a ye i fayi duuma, a bitita a ñaadaa kaŋ. A duwaata ko, “M Faamaa, niŋ ñiŋ tooroo mindaŋo si bo noo nte bulu, a si ke. Bari a kana ke ko nte lafita a la ñaameŋ, bari a si ke ko ite lafita a la ñaameŋ.”

Matiyu 20:22

Bari Yeesu ye a jaabi ko, “Ali maŋ a loŋ, ali ka meŋ daani. Fo ali si i miŋ noo wo tooroo mindaŋo la baŋ, n ka naa m miŋ meŋ na?” Ì ko a ye ko, “M̀ be a noo la le.”

Niikuyaa Suukuwolu 4:21

Wayi! Alitolu Edomunkoolu, mennu be siiriŋ Usi bankoo to, ali si seewoo ka jusulaa. Bari Alla la kamfaa mindaŋo be naa ali fanaa kaŋ ne, ali ye siira fo ali ye i wura fefes.

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Yeremiya 49:12

Yaawe ye ñiŋ ne fo ko: “Ŋa wo moolu mindi n na kamfaa mindaŋ faa la le, a maŋ jari ka mennu mindi a la. Wo to a be koyiriŋ ne ko, m be alitolu fanaa mindi la a la le. Ali te kana la jarabiroo ma, fo ali si n na kamfaa mindaŋo miŋ.

Jabuuroolu 91:8

I be i ñaa le yele la doroŋ ka juubeeroo ke, aduŋ i be a je la le Alla be moo jawoolu jarabi la ñaameŋ.

Jabuuroolu 60:3

I ye i la moolu jarabi jawuke le. A ka munta i ye m̀ mindi doloo le la, ka ǹ siirisaarandi.

Jabuuroolu 37:34

I lamoyi Yaawe ma, i ye taama a la siloo la, aduŋ a be horomoo dii la i la le, ka bankoo keetaa, aduŋ i ñaa be moo jawoolu wafati luŋo je la le.

Yuuba 18:15

Hani feŋ maŋ tu ì la tiriliisoo koto, Solifa munkoo* le tarata janjandiŋ ì la sabati dinkiraalu to.

Jabuuroolu 73:10

Wo ye a tinna le Alla la moolu faŋo yelemata ka ì jayi, aduŋ ka laa wo moolu la kumoo la keta ì fee le ko jii miŋo.

Jabuuroolu 52:6

Moo tilindiŋolu si ñiŋ je, ì ye masilaŋ, aduŋ i la kuwo si ì jele, ì ye a fo ko,

Esekiyeli 38:22

A ko: “M be wo kiitiyo le laa la Kooki kaŋ. M be alibalaa kuuraŋo niŋ yeleboŋ jawu le naati la Kooki niŋ a la kelediŋ kafu baa aniŋ a deŋñoolu bee kaŋ. M be samaajiyo waamemaa le jindi la naŋ ì kaŋ, saŋ beroolu, dimbaa aniŋ solifa munkoo*.

Maaka 8:38

Moo-wo-moo meŋ maluta nte niŋ n na kumoolu la ñiŋ jamaani kuruŋ, jamaani foroyaabaloo kono, Moo Dinkewo fanaa be malu la wo maarii la le, niŋ a naata a Faamaa la semboo niŋ waroo kono, a niŋ malaayika senuŋolu.”

Kiilaalu 10:22

Ì ye a jaabi ko, “Kooneliyus mu Rooma kelediŋ kuntiyo le ti. Kee tilindiŋo le mu, meŋ ye Alla ñaasilaŋo soto. A ye seedeyaa betoo le soto Yahuudoolu bee kono. Malaayika senuŋo le ye a yaamari ka i kumandi, fo i si naa a la buŋo kono, a ye i lamoyi i la kumoolu la.”

2 Tesalonikankoolu 1:7

Alla be dahaa dii la alitolu le la, mennu toorandita, aduŋ a be dahaa dii la m̀ fanaa la le. Ñiŋ ne be ke la, niŋ Maarii Yeesu fintita naŋ ka bo saŋo santo, a niŋ a la malaayika sembemaalu.

Lankenemoo 15:7

Aduŋ wo daafeŋ baluuriŋ naanoo kono, kiliŋo ye sani booli woorowula le dii wo malaayika woorowuloo la, ì meŋ-wo-meŋ booli kiliŋ. Wolu be faariŋ niŋ Alla la kamfaa baa le la, ate meŋ be baluuriŋ fo abadaa.

Lankenemoo 19:15

Hawusari* daa diimaa fintita naŋ a daa kono, a be duniyaa nasiyoŋolu sepu la meŋ na. A be ì mara la niŋ needokoo le la, aduŋ a be ì dori la wo yiridiŋ bitidulaa kono le, meŋ mu Alla Mansa Tallaa la kamfaa jawu baa ti.

Lankenemoo 20:14

Wo to le saayaa aniŋ a taradulaa fayita dimbaa daloo kono. Ñiŋ dimbaa daloo le mu saayaa fulanjaŋo ti.

Maaka 9:44

daameŋ tumboolu niŋ a dimbaa buka faa.