Lankenemoo 12:12 - Mandinka Bible

¹² Arijana niŋ feŋolu bee mennu be a kono, ali seewoo! Bari kooroo be alitolu bankoo niŋ fankaasoo ye! Ibiliisa niŋ kamfaa baa le naata ali kaŋ, kaatu a ye a loŋ ne ko, a la waatoo maŋ jamfa.”

Lankenemoo 12:12 ပူးပေါင်းရင်းမြစ်များ

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Luka 15:10

“Ŋa a fo ali ye, wo ñaa kiliŋo la seewoo be Alla la malaayikoolu fee le junubelaa kiliŋ na tuuboo la.”

Luka 2:14

“Semboo niŋ waroo be Alla ye, Arijana dulaa jamfariŋ baa to. Kayiroo be duniyaa moolu fee, Alla kontaanita mennu la kuwo la.”

Hiburunkoolu 10:37

ko a be safeeriŋ ñaameŋ: “Ñaato domandiŋ, ate meŋ be naa kaŋ, a be naa la le, a te mee la.

2 Pita 3:8

N kanuntewolu, ali kana ali ñaa laa ñiŋ tooñaa kaŋ ko, Maariyo fee, tili kiliŋo be le ko sanji wuli kiliŋ, aduŋ sanji wuli kiliŋo be le ko tili kiliŋ.

Lankenemoo 10:6

Bituŋ a kalita niŋ wo la, meŋ be baluuriŋ fo abadaa, meŋ ye saŋo daa, aniŋ feŋolu mennu be a kono, bankoo aniŋ feŋolu mennu be a kono, fankaasoo aniŋ feŋolu mennu be a kono. Aduŋ a ko, “Waati koteŋ te jee, ka kuwolu mendi.

Lankenemoo 11:10

Moolu mennu be sabatiriŋ duniyaa kono taariŋ, wolu be seewoo la ì la saayaa kamma la le, ì be feetoo ke la, aduŋ ì be soorifeŋolu dii la ñoo la. Ì be seewoo la le saayiŋ, kaatu ñiŋ annabiyomu fuloo la kuwo ye ì toorandi le nuŋ.

Lankenemoo 11:14

Kooroo fulanjaŋo tambita le, bari kooroo sabanjaŋo be naa kaŋ ne.

Lankenemoo 12:9

Bituŋ ninkinanka baa fayita naŋ duuma. Ate le mu wo saa kotoo ti, ì ka meŋ kumandi Ibiliisa niŋ Seetaanoo* la, duniyaa moolu bee neeneelaa. A fayita naŋ duuma duniyaa kono, a niŋ a la malaayikoolu.

Lankenemoo 13:6

A naata tooñeeri kumoo fo Alla ma. A ye Alla too niŋ a la taradulaa tooñee, biriŋ a ye feŋolu bee neŋ, mennu be sabatiriŋ Arijana kono.

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

Lankenemoo 8:13

Bituŋ ŋa juubeeroo ke, ŋa seeliŋo moyi kuma la niŋ kumakaŋ baa la, a be tii kaŋ n kunto santo. A ka a fo ko: “Kooroo, kooroo, kooroo be wo moolu ye, mennu be sabatiriŋ duniyaa kono, kaatu malaayika saba doo pareeta le ka ì la footaŋolu fee.”

Lankenemoo 9:12

Kooroo foloo tambita, bari hani saayiŋ, kooroo fula be kooma le, mennu be naa la.