Lankenemoo 11:18 - Mandinka Bible

¹⁸ Nasiyoŋolu kamfaata le, bari ite la kamfaa baa, wo ye dandulaa ke ì la le. Waatoo siita le ka furewolu kiitindi. Waatoo siita le ka i la dookuulaalu joo, i la annabiyomoolu aniŋ i la moo senuŋolu. Waatoo siita le ka moolu joo, mennu ka i too buuñaa, biriŋ moondiŋ fo moo baa, aniŋ ka moolu kasaara mennu ye kasaaraloo ke duniyaa kono.”

Lankenemoo 11:18 ပူးပေါင်းရင်းမြစ်များ

Jabuuroolu 103:11

Saŋ fatoolu be warariŋ santo bankoo kunto ñaameŋ, a la kanu bambaloo be warariŋ moolu ye wo le ñaama, mennu ye a kuliyaa.

Jabuuroolu 110:5

Yaawe be i bulubaa karoo la le. Niŋ a kamfaata waatoo meŋ na, a be mansoolu kasaara la le.

Jabuuroolu 147:11

Bari Yaawe ka kontaani moolu le la kuwo la, mennu ye a kuliyaa, mennu be jikiriŋ a la kanu bambaloo la.

Jabuuroolu 2:5

Bituŋ a ye ì jalayi a la kamfaa kaŋ, a ye ì kijafarandi a la jusukandoo kaŋ.

Jabuuroolu 85:9

A be koyiriŋ ne ko, a be pareeriŋ ne ka moolu kiisa mennu ye a kuliyaa, fo horomoo si tara a ye, ǹ na bankoo kaŋ.

Kawandilaa 12:13

A bee moyiriŋo koolaa, kuwo ñiŋ kumfaaraŋo fele: Sila Alla la, i ye a la yaamaroolu muta. Ñiŋ ne mu hadamadiŋo kekuwo ti.

Kawandilaa 8:12

Moo kuruŋo ka kuruŋyaa kuu keme baara le, hani wo, a ye tara siimaayaariŋ fo waati jaŋ. Wo ñaa-wo-ñaa, ŋa a loŋ ne ko, kayiroo be tara la Alla ñaasilannaalu le ye, mennu ye Alla la kuwo buuñaa.

Daniyeli 11:44

Bituŋ kibaaroo be bo la naŋ tiliboo la, aniŋ maraa kara maafaŋo la, meŋ be a kijafara la, aduŋ wo be a tinna le a kamfaatoo be kele jawu baa ke la, ka moo jamaa baa faa.

Daniyeli 7:26

“Ì be kiitiyo le wulindi la a kamma, ì ye a semboo taa a bulu, ì ye a muumewo kasaara fereŋ.

Daniyeli 8:25

Ka bo niŋ a la feerentuŋyaa la, a be neeneeroo ke la le, a ye ñaatotaa soto, aduŋ a be ñiŋ ne muta la a sondomoo kono ko, ate mu moo baa le ti. Ka bo niŋ terendiroo la, a be moo jamaa le faa la. A be balaŋo tiliŋ na hani mansoolu la Mansoo faŋo la le, bari a be kasaara la le, aduŋ hadamadiŋ bulu te a maa la.

Matiyu 5:12

Ali seewoo aniŋ ali ye jusulaa, kaatu ali la joo be wara la Arijana kono le. Ì ye annabiyomoolu toorandi wo ñaa kiliŋo le ñaama, mennu naata ali ñaa.

Luka 1:50

A ka a la balafaa yitandi a ñaasilannaalu le la, ka bo jamaani ka taa jamaani.

Hiburunkoolu 9:27

Tooñaa le mu, moo-wo-moo ñanta faa la siiñaa kiliŋ ne, wo koolaa kiitiyo si naa.

Lankenemoo 10:7

Bari wo luŋolu la, malaayika woorowulanjaŋo be a la footaŋo fee la waatoo meŋ na, Alla la feeroo be timmandi la le, meŋ be kulloo kono. Wo be ke la le ko a ye a bankee a la annabiyomoolu ye ñaameŋ, mennu mu a la dookuulaalu ti.

Lankenemoo 11:2

Bari luwo meŋ be Alla Batudulaa ñiŋ banta la, kana wo sumaŋ, kaatu a diita Alla lombaloolu le la. Ì be doriŋ-doriŋ na saatee senuŋo kaŋ ne fo kari taŋ naani niŋ fula.

Lankenemoo 13:10

“Niŋ meŋ ñanta taa la mutoo kono, a be taa la mutoo kono le. Niŋ meŋ ñanta faa la niŋ hawusaroo* la, a be faa la niŋ wo le la.” Wo mu wakiilindiri kumoo le ti Alla la moo senuŋolu ye, fo ì si wakiili ì la lannoo kono.

Lankenemoo 13:16

Aduŋ ate le fanaa ye yaamaroo dii ko, moo-wo-moo ñanta a la taamanseeroo soto la a bulubaa buloo bala le waraŋ a foŋo to, biriŋ moondiŋ fo moo baa, naafulutii waraŋ fuwaaroo le mu, joŋo waraŋ foroo.

Lankenemoo 14:10

wo maarii fanaa be Alla la kamfaa baa doloo miŋ na le, meŋ niŋ semboo bee yelemata Alla la kamfaa baa mindaŋo kono. Wo maarii be toorandi la dimbaa niŋ solifa munkoo* le la, malaayika senuŋolu niŋ Saajiiriŋo ñaatiliŋo la.

Lankenemoo 15:1

Bituŋ ŋa taamanseeri kaawakuuyaariŋ baa doo je Arijana kono. Wo mu malaayika woorowula le ti ì niŋ mantoora woorowula, mennu mu mantoora labaŋolu ti, kaatu Alla la kamfaa danta itolu le la.

Lankenemoo 15:7

Aduŋ wo daafeŋ baluuriŋ naanoo kono, kiliŋo ye sani booli woorowula le dii wo malaayika woorowuloo la, ì meŋ-wo-meŋ booli kiliŋ. Wolu be faariŋ niŋ Alla la kamfaa baa le la, ate meŋ be baluuriŋ fo abadaa.

Lankenemoo 18:6

Ali a joo ko a ye a ke ñaameŋ, jooroo dii a la siiñaa fula a la kebaara jawoolu to. Ali a ñaami a ye ko siiñaa fula mindaŋo kono, ali ye a naati a ye, ko a ye a ke ñaameŋ.

Lankenemoo 19:15

Hawusari* daa diimaa fintita naŋ a daa kono, a be duniyaa nasiyoŋolu sepu la meŋ na. A be ì mara la niŋ needokoo le la, aduŋ a be ì dori la wo yiridiŋ bitidulaa kono le, meŋ mu Alla Mansa Tallaa la kamfaa jawu baa ti.

Lankenemoo 19:18

Ali naa ka mansoolu suboo domo, kelediŋ kuntii baalu, kelejawaroolu, suwoolu niŋ ì borindilaalu, aniŋ moolu bee suboo, joŋolu waraŋ foroolu, biriŋ moondiŋ fo moo baa.”

Lankenemoo 19:5

Bituŋ kumakaŋo bota mansasiiraŋo to, meŋ ko: “Ali ŋà ǹ na Alla jayi, alitolu bee mennu mu a la dookuulaalu ti, alitolu mennu ye a ñaasilaŋo soto, biriŋ moondiŋ fo moo baa.”

Lankenemoo 20:12

Aduŋ ŋa furewolu je, moo baalu niŋ moondiŋolu, ì be looriŋ wo mansasiiraŋo ñaatiliŋo la. Bituŋ kitaaboolu yeleta. Wolu kono, kitaabu doo tarata jee, meŋ mu baluwo kitaaboo ti. Wo to le furewolu kiitindita ì la kebaaroolu la, mennu be safeeriŋ wo kitaaboolu kono.

Lankenemoo 20:15

Moo-wo-moo too maŋ safee baluwo kitaaboo kono, wo ka fayi wo dimbaa daloo le kono.

Lankenemoo 22:12

Yeesu ko, “Sambii nte be naa la, n niŋ jooroo. M be moo-wo-moo joo la ko a la kebaaroolu be ñaameŋ.