Lankenemoo 10:3 - Mandinka Bible

³ A sarita santo, a kumakaŋo be ko jatoo meŋ ka bumbuŋ. Kabiriŋ a ye kumandiroo ke, saŋ kumakaŋ woorowula ye a danku.

Lankenemoo 10:3 ပူးပေါင်းရင်းမြစ်များ

Yesaya 31:4

Yaawe ye ñiŋ ne fo n ye ko: “Nte Yaawe Alihawaa Maariyo* be naa la le ka keloo ke Siyoni* Konkoo kaŋ. M be ke la le ko jatakee mendiŋo ka kuma ñaameŋ, niŋ a loota suboo kunto. Hani ì ye kantarilaa jurumoo le kumandi a kamma, a buka sila ì sari kaŋo la, waraŋ ì maakaŋo si a bondi a noo to.”

Lankenemoo 4:5

Saŋ ŋalasoolu ka bo mansasiiraŋo bala, wolu niŋ saŋ feteŋolu niŋ kumakaŋ baa. Dimbaa pacama woorowula be a ñaato, mennu mu Alla la noora woorowuloo ti.

Amosi 1:2

Amosi ko, “Yaawe* kamfaatoo daalita Siyoni* Konkoo kaŋ Yerusalaamu, komeŋ niŋ jatoo bumbunta. Beeyaŋ daañini dulaa ñaamoo bee jaata, Karimeli Konkoo kaŋ bee norota.”

Yoweli 3:16

Yaawe bumbunta ko jatoo ka bo naŋ Siyoni*, a ye kaŋo dii ka bo Yerusalaamu, saŋo niŋ bankoo jarajarata. Bari Yaawe faŋo le mu a la moolu ye tankadulaa ti, tata bambandiŋo, Banisirayilankoolu ye.

Lankenemoo 15:1

Bituŋ ŋa taamanseeri kaawakuuyaariŋ baa doo je Arijana kono. Wo mu malaayika woorowula le ti ì niŋ mantoora woorowula, mennu mu mantoora labaŋolu ti, kaatu Alla la kamfaa danta itolu le la.

Lankenemoo 14:2

Wo to le ŋa kumakaŋo moyi naŋ Arijana kono, meŋ be ko jiibaliŋ baalu aniŋ saŋ kumakaŋ baa. A be le ko, kontiŋ kosilaalu la kontiŋ kumakaŋo.

Lankenemoo 8:5

Bituŋ a naata cuuraayi siisindiraŋo taa, a ye a fandi niŋ dimbaa la, ka bo sadaajanidulaa to, bituŋ a ye a fayi duniyaa kono. Saŋ feteŋolu keta, aniŋ kumakaŋ baalu niŋ saŋ ŋalasoolu niŋ banku jarajaroo.

Amosi 3:8

Niŋ jatoo bumbunta, jumaa le te sila la? Niŋ Maarii Yaawe diyaamuta, jumaa le si a la kumakaŋo bankewo baayi noo?

Yeremiya 25:30

A ko n ye ko: “Wo to ite si ñiŋ kiilaariyaa kumoolu bee fo ì ma, ka a fo ì ye ko: Nte Yaawe be bumbuŋ na naŋ santo le, n kaŋo ye kuma ko saŋ feteŋo n na taradulaa senuŋo kono, ka bumbuŋ n na koorewo kaŋ niŋ semboo la. M be sari la le ko mennu ka yiridiŋolu biti, ka sari duniyaa moolu bee kaŋ.

Yesaya 42:13

Yaawe niŋ semboo le be naa ko niŋ kelejawaroo be taa keloo la. A be pareeriŋ ne, a be korontoriŋ keloo kamma le. A ka sari kendeke le, a ka a semboo yitandi a jawoolu la.

Yesaya 5:29

Ì kumakaŋo ka munta le ko jatoo. Ì ka bumbuŋ ne ko jata mendiŋo. Ì ka ŋuura le, ì ye ì la suboo ñapinkaŋ. Ì ka a samba le, moo buka a taa noo ì bulu.

Kuma Kotoomaalu 19:12

Mansa la kamfaa ka munta le ko, niŋ jatoo be bumbuŋ kaŋ, bari a la maakoyiroo ka muluŋ ne ko, niŋ komboo jiita fiifeŋolu kaŋ.

Lankenemoo 15:7

Aduŋ wo daafeŋ baluuriŋ naanoo kono, kiliŋo ye sani booli woorowula le dii wo malaayika woorowuloo la, ì meŋ-wo-meŋ booli kiliŋ. Wolu be faariŋ niŋ Alla la kamfaa baa le la, ate meŋ be baluuriŋ fo abadaa.

Jabuuroolu 29:3

Yaawe kumakaŋo jiita baajiyolu kaŋ, Alla, Mansa Kallankewo bumbunta, aduŋ a kumakaŋo ye i danku fankaasoolu to.

Esekiyeli 10:5

Wo malaayikoolu dampaŋo ka kuma le ko Mansa Tallaa diyaamukaŋo ka ke ñaameŋ. Hani meŋ be Batudulaa banta luwo to, a si ì dampaŋolu kumakaŋo moyi.

Hoseya 11:10

Niŋ nte Yaawe bumbunta ko jatoo, n na moolu be bula la n nooma le. Niŋ m bumbunta, n diŋolu kijafaratoo si naa, ka bo tilijii karoo la.