Lankenemoo 10:10 - Mandinka Bible

¹⁰ Ŋa kitaabundiŋ moromororiŋo taa malaayikoo ñiŋ bulu wo le ñaama, ŋa a domo. A diyaata n daa kono le ko liyo, bari kabiriŋ ŋa a domo, n konoo kono naata kuniyaa.

Lankenemoo 10:10 ပူးပေါင်းရင်းမြစ်များ

Esekiyeli 3:3

A naata a fo n ye ko, “Hadamadiŋo, ñiŋ kitaaboo taa, i ye a domo fo i konoo ye faa a la tep.” Wo to le, ŋa a taa ŋa a domo. Bituŋ a diyaata n daa ko liyo.

Kuma Kotoomaalu 16:24

Kuma diimaa ka munta le ko liyo, niŋ i ye a nene, a ka diyaa le, aduŋ a ka jaatoo kendeyandi le.

Jabuuroolu 119:103

I la kumoolu diyaata nte ye le famfaŋ. Itolu le diyaata ka tambi liyo la.

Jabuuroolu 104:34

Allamaa n na miiroo ye Yaawe kontaani, kaatu a la kuwo le ka n seewondi.

Jabuuroolu 19:10

Itolu le mu ñaanitaa ti ka tambi sanoo la, hani saniforoo. Itolu le diyaata ka tambi liyo la, meŋ ka suleŋ lii kaañoo bala.

Esekiyeli 3:14

Bituŋ Yaawe la Nooroo ye n samba, kamfaa niŋ niikuyaa naata duŋ n na. Yaawe sembe baa jiita n kaŋ ka m mara.

Esekiyeli 2:10

A ye kitaaboo le yele n ñaatiliŋo la. Ŋa a je le ko, niikuyaa kumoolu, saŋakumboo, aniŋ kooroo kumoolu le be safeeriŋ a kara fuloo bee la.

Lankenemoo 10:9

Wo to le n taata malaayikoo ñiŋ kaŋ. N ko a ye ko, “Kitaabundiŋ moromororiŋo dii n na.” Bituŋ a ko n ye ko, “A taa, i ye a domo. A be diyaa la i daa kono le ko liyo, bari niŋ a futata i konoo kono, a be kuniyaa la le.”

Lankenemoo 10:11

Wo to le ŋa yaamaroo soto ko, n ñanta kiilaariyaa kumoo fo la le kotenke, bankoolu la kuwo to, nasiyoŋolu, kaŋolu aniŋ mansoolu.