Kolosankoolu 4:6 - Mandinka Bible

⁶ Ali la diyaamoo si tu sooneeyaariŋ. Kuma betoolu si a diyandi ko koo ka domoroo diyandi ñaameŋ. Aduŋ ali si a loŋ, ali ñanta moo-wo-moo jaabi la ñaameŋ.

Kolosankoolu 4:6 ပူးပေါင်းရင်းမြစ်များ

Efesusinkoolu 4:29

Kuma jawoo kana bo ali daa kono. Wo noo to, ali la kumoolu si beteyaa ka moolu yiriwandi, ka ì maakoyi ì la suuloolu kono, aniŋ ka ì seewondi.

1 Pita 3:15

bari ali Kiristu* horoma ali sondomoolu kono ko Maariyo. Ali si tu pareeriŋ waati-wo-waati ka jaabiroo dii moo-wo-moo la, meŋ ye ali ñininkaa jikoo la kuwo la, ali ye meŋ soto ali sondomoo kono.

Kawandilaa 10:12

Moo ñaamendiŋo la kumakaŋo ka hiinoo le saabu a faŋo ma, bari toolewo faŋo neŋo le ka a kasaara.

Maaka 9:50

Koo beteyaata le, bari niŋ a foota a la kuniyaa la, ali be wo ke noo la koo ti ñaadii le kotenke? Ali koo soto ali faŋolu kono, aduŋ ali si kayiroo soto ñoo ye!”

Kuma Kotoomaalu 15:4

Moo meŋ ka kuma diimaa fo ka moolu maakoyi, mu baluwo yiroo le ti, bari meŋ daakumoo ka moolu jamfaa, wo ka jikilateyoo le ke.

Kuma Kotoomaalu 15:7

Moo ñaamendiŋo la kumoo le ka londoo janjandi, bari toolewo buka wo ke.

Kolosankoolu 3:16

Ali Kiristu la kumoo bula, a ye baluu kendeke ali kono. Ali ñoo karandi, ali ye ñoo yaamari niŋ ñaameŋo bee la. Ali jabuuroolu laa, jayiri suukuwolu aniŋ suukuu senuŋolu. Ali si ì laa niŋ tenturoo la ali sondomoolu kono.

Matiyu 5:13

“Alitolu le mu duniyaa la koo ti. Bari niŋ koo foota a la kuniyaa la, a be ke noo la koo ti ñaadii le kotenke? A maŋ nafaa soto fo ka a fayi banta, daameŋ moolu siŋolu be dori la a kaŋ.

Kuma Kotoomaalu 10:21

Moo tilindiŋo la kumoo ka moo jamaa le nafaa, bari hakilintaŋyaa le ka toolewolu faa.

Jabuuroolu 119:46

M be i la dandalaaroolu fo la hani mansoolu ñaatiliŋo la le, aduŋ n te bula la maloo kono.

Jabuuroolu 105:2

Ali suukuwo laa a ye ka a jayi, ali a fo, a ye kaawakuwolu mennu ke.

Jabuuroolu 45:2

Ite le mu kewolu kono kee ñiimaa ti, kuma ñiimaalu le ka bo i daa kono. Alla neemata i ma le fo fawu.

Luka 4:22

Ì kaawata hiinakumoolu la, a ye mennu fo, ì bee ye a jayi. Ì ko, “Fo ñiŋ maŋ ke Yusufa dinkewo le ti baŋ?”

Jabuuroolu 119:13

M be i la luwaalu bee kiliŋ-kiliŋ seyinkaŋ na le, i ye mennu dii i la moolu la.

Jabuuroolu 66:16

Alitolu mennu ye Alla ñaasilaŋo soto, ali naa i lamoyi, aduŋ m be a fo la ali ye le a ye meŋ ke n ye.

1 Taarika 16:24

Ali a la semboo niŋ waroo kankulaa bankoolu bee kaŋ, aniŋ a la kaawakuu baalu duniyaa siyolu bee kono.

5 Musa 11:19

Ali si ali diŋolu karandi ì la. Ali ye ì ke kacaaraŋo ti, niŋ ali be suwolu kono waraŋ banta. Ali si ì karandi ì la, niŋ ali wulita laaraŋo kaŋ, aniŋ niŋ ali be taa i laa la.

3 Musa 2:13

I si koo ke i la siimaŋ sadaalu bee to, bayiri koo taamanseeroo mu ñiŋ ne ti ko, badaa-badaa kambeŋo le be nte Alla niŋ ali teema. Wo kamma la i ñanta koo ke la i la siimaŋ sadaalu bee le to.

Esekiyeli 43:24

I ñanta ì bondi la sadaa ti nte Yaawe ñaatiliŋo la le. Piriisoolu si koo yuruyuru ì kaŋ, ì ye ì bondi nte Yaawe ye jani sadaa ti.