Kiitindirilaalu 8:16 - Mandinka Bible

¹⁶ A ye Sukoti alifaalu muta, a ye ì buutee niŋ ŋaniŋ busoo la. A ye Sukotinkoolu jarabi le famfaŋ.

Kiitindirilaalu 8:16 ပူးပေါင်းရင်းမြစ်များ

Kiitindirilaalu 8:7

Bituŋ Kideyoni ko ì ye ko, “Tooñaa-tooñaa, niŋ Yaawe* ye Seba niŋ Salimunna duŋ m buloo kono, m be ali busa la niŋ busa ŋarimmaa le la, fo ŋaniŋolu ye ali barama.”

Mika 7:4

Ì kono kendoolu be le ko ŋaniŋ biroo, ì kono tilindiŋolu be ko ŋaniŋ sutoo. Luŋo naata le, ì la annabiyomoolu ka luŋo meŋ fo ì ye. Alla la jaraboo le be naa ì kaŋ, ì la dewuŋ waatoo, wo le siita.

Kuma Kotoomaalu 19:29

Halakoo be ñaawalilaalu batu kaŋ ne, toolewolu fanaa koofaataa si tara pareeriŋ liparoo ye.

Kuma Kotoomaalu 10:13

Ñaameŋ kumoo ka bo moo le daa kono, meŋ ye kalamutaroo ke, bari hakilintaŋo wo taa mu busoo le ti.

Esira 2:6

Pahati-Mowabi koomalankoolu, mennu mu Yesuwa niŋ Yowabu koomalankoolu ti, moo wuli fula, aniŋ keme seyi, aniŋ taŋ niŋ fula.

Kiitindirilaalu 8:15

Bituŋ Kideyoni naata a fo Sukoti kewolu ye ko, “Seba niŋ Salimunna fele, ali ka n ñaawali mennu la kuwo la, ka a fo ko, ‘Fo Seba niŋ Salimunna dunta i buloo kono le fokabaŋ, meŋ be a tinna la m̀ be mbuuroo dii la i la kee bataariŋolu la?’ ”

Kiitindirilaalu 8:17

A ye Penuweli la tatoo fanaa boyi, a ye saatewo kewolu faa.