Kiitindirilaalu 6:4 - Mandinka Bible

⁴ Ì ye ì la daakaalu loo jee, ka ì la bankoo fiifeŋolu kasaara, ka taa bula fo Kaasa la. Ì buka hani domori feŋ ne tu Banisirayila kono, saajii to baŋ, ninsi waraŋ fali.

Kiitindirilaalu 6:4 ပူးပေါင်းရင်းမြစ်များ

3 Musa 26:16

m be ñiŋ kuwolu le ke la ali la: M be kasaaroo le jindi la ali kaŋ loodulaa kiliŋ, ka taa jankaroo, aniŋ kajewo meŋ ka ñaa dibindi, meŋ be ali suusuu la fo ali la baluwo ye baŋ. Ali si ali la fiifeŋolu fii kensenke, nafaa te tara la ali ye jee, kaatu ali jawoolu le be naa a domo la.

5 Musa 28:51

Ì be ali la beeyaŋolu niŋ ali la siimaŋolu bee le domo la, ì te feŋ tu la ali ye, biriŋ siimaŋ kesoo to, wayini kutoo, olifu tuloo, ali la ninsoolu, saajiyolu niŋ baalu, ì be ì bee le taa la ali bulu, ali ye labaŋ kasaara la.

Mika 6:15

Ali si fiiroo ke, bari ali te a munafaŋo soto la. Ali si olifu yiridiŋolu biti, bari ali te a tuloo nafaa soto la. Ali si wayini* yiridiŋolu biti, bari ali te a jiyo miŋ na.

5 Musa 28:33

Ali la senefeŋolu aniŋ ali la dookuu koteŋo tinewo, banku koteŋo moolu le be ì domo la, ali maŋ mennu loŋ. Aduŋ niitooroo niŋ tilimbaliyaa le be tara la ali kaŋ, daŋ te ke la meŋ na.

Kuma Kotoomaalu 28:3

Niŋ maralilaa ye fuwaaroolu mantoora, a ka muluŋ ne ko, samaa meŋ lipata, a ye fiifeŋolu bee kasaara.

1 Musa 13:10

Luuti ye a ñaa muruŋ-muruŋ, a ye a je ko, Yoridani Boloŋo kene fanuŋo bee, ka taa fo Sowari, wolu le ye jii jamaa soto. Jee ka munta le komeŋ Yaawe la naakoo aniŋ Misira bankoo. Ñiŋ mu waati le ti, janniŋ Yaawe ka Sodomu saatewo niŋ Komora saatewo kasaara.

1 Musa 10:19

Kanaaninkoolu la bankoo taata le ka bo Sidoni maraa la, ka taa fo Kerari aniŋ Kaasa bulubaa la, aniŋ ka taa tilibo maafaŋo to la fo Sodomu, Komora, Aduma, Seboyimu aniŋ Lasa.

Obadiya 1:5

“Niŋ sikarilaalu naata ali kaŋ, suŋolu ye naa ali kaŋ suutoo, fo ì te feŋolu doroŋ ne sika la baŋ, ì be suula la mennu na? Niŋ wayini* yiridiŋ katilaalu naata ali kaŋ, fo ì te feefeetaa tu la jee baŋ? Bari alitolu, ali bee le be kasaara la.

Kiitindirilaalu 6:3

Niŋ Banisirayilankoolu ye fiiroo ke doroŋ, Midiyaninkoolu, Amalekinkoolu aniŋ tilibo banku koteŋo moolu si naa ka ì boyinkaŋ.

Yeremiya 5:17

Ì be i baluu la ali la siimaŋ katiriŋolu niŋ ali la domoroo le la, ì ye i baluu ali dinkewolu niŋ ali dimmusoolu la. Ì be i baluu la ali la saajiyolu, baalu, aniŋ ninsoolu le la, ì ye i baluu ali la wayini* yiroolu niŋ ali la sooto suŋolu la. Ali be jikiriŋ ali la saatee tatariŋolu mennu la, ì be ì kasaara la niŋ hawusaroo le la.”