Kiitindirilaalu 5:13 - Mandinka Bible

¹³ Bituŋ bankoo moo kummaalu, mennu tuta baluuriŋ jee, ì jiita naŋ konkoo duuma, Yaawe la moolu naata ka sembemaalu kele a ye.

Kiitindirilaalu 5:13 ပူးပေါင်းရင်းမြစ်များ

Lankenemoo 3:9

A juubee, m be kuwo meŋ laa la wo moolu kaŋ, mennu mu Seetaanoo* la kafoo ti. Ñiŋ faniyaa folaalu ka ì faŋolu kumandi Yahuudoolu le la, bari ì maŋ ke wolu ti. M be a tinna le, fo wo moolu ye naa ka sujudi i siŋolu to, aduŋ ì be a loŋ na le ko, nte ye i kanu le.

Roomankoolu 8:37

Bari ñiŋ kuwolu bee kono, ǹ na kuwo tambita noorilaalu faŋo la le, ka bo niŋ ate la, meŋ ye ǹ kanu.

Esekiyeli 17:24

Yiroolu bee be a loŋ na le ko, nte le mu Yaawe ti, meŋ ka yiri jaŋo boyi, ŋa yiri sutuŋo jaŋayandi. N ka yiri kitiŋo norondi le, ŋa yiri nororiŋo kitiŋyandi. Nte Yaawe faŋo le ye a fo, aduŋ m be a ke la le.”

Jabuuroolu 75:7

Bari Alla le ka kiitiyo teyi, a ye doo dooyandi, a ye doo warandi.

Jabuuroolu 49:14

Ì tombonta le ka faa komeŋ saajiyolu, saayaa be ì kenkeŋ na le komeŋ kantarilaa. Moo tilindiŋolu be dori la ì kaŋ ne soomandaa, ì baloolu ye tara toli kaŋ kaburoo kono, daameŋ jamfata ì la koridaa ñiimaalu la.

Kiitindirilaalu 5:12

Wuli santo, wuli Debora-wo! Wuli santo, wuli i ye suukuwo laa! Wuli santo Baraki, i la moo mutariŋolu samba, ite, Abinowamu dinkewo!

Kiitindirilaalu 5:14

Efurayimu* lasiloo jiita naŋ duuma wulumbaŋo kono. Wo koolaa Benjamini lasiloo naata, ì niŋ ì la kelediŋ kafoolu. Kelediŋ kuntiyolu naata bo Makiri bonsuŋolu le kono. Sebuluni lasiloo, wolu naata ke kantiyolu ti kelediŋolu kunna.

Kiitindirilaalu 5:23

Yaawe la malaayikoo ko, “Ali Merosi saatewo danka, ali a moolu danka, ali ì danka. Kaatu ì maŋ naa ka Yaawe maakoyi, ì maŋ naa ka ke Yaawe maakoyilaa ti, ka kafu kelejawaroolu ma.”