Kiitindirilaalu 5:11 - Mandinka Bible

¹¹ Ali i lamoyi, ì ka kontaani ñaameŋ beeyaŋolu mindulaalu to. Jee le mu, ì ñanta Yaawe la kebaara tilindiŋolu karaŋ na, a la kebaara tilindiŋolu hani saateeriŋ moolu ye. Bituŋ Yaawe la moolu taata saatewo dundaŋ daalu to.

Kiitindirilaalu 5:11 ပူးပေါင်းရင်းမြစ်များ

Mika 6:5

N na moolu, ali i miira Balaki Mowabi mansa ye feeroo meŋ siti ali kamma nuŋ, aniŋ Balaamu Bewori dinkewo ye a jaabi ñaameŋ. Ali i miira ali la taamasiloo la, ka bo Sitimu ka taa Kilikali, ali be a kalamuta la le, nte Yaawe ye baara kendoolu mennu ke.”

1 Samuweli 12:7

Saayiŋ ali loo jaŋ, ŋa a koyindi ali la Yaawe ñaatiliŋo la, aniŋ ka ali hakiloo bulandi, Yaawe ye kuu kendoolu mennu ke ali niŋ ali la alifaa foloolu ye.

Kiitindirilaalu 5:8

Kabiriŋ ì ye alla kutoolu tomboŋ, keloo naata tara saatewo dundaŋ daalu* to. Tankaraŋ ne maŋ tara Banisirayila la ñiŋ moo wuli taŋ naanoo bulu, sako sooroo.

Niikuyaa Suukuwolu 5:9

Ǹ ka ǹ niyolu le laa ka domoroo soto, kaatu hawusaritiyolu* ye wuloo balaŋ ne.

Niikuyaa Suukuwolu 5:4

Ka jiyo miŋ, fo ǹ si kodoo joo, hani loo, ǹ ka a saŋ ne.

Yeremiya 7:2

n si taa loo Yaawe Batudulaa Buŋo* dundaŋ daa to, ŋa ñiŋ kumoo kankulaa jee ko: “Alitolu Yahuuda moolu bee, mennu ka duŋ niŋ ñiŋ dundaŋ daalu la ka Yaawe batu jaŋ, ali i lamoyi Yaawe la kumoo la.

Yesaya 28:6

A be tiliŋo dii la kiitiikuntulaa la le, ka semboo dii moolu la, mennu ka saatee dundaŋ daa tanka keloo ma.

Yesaya 12:3

Ali be jiyo bii la kiisa koloŋolu kono le, ali niŋ seewoo.

Yuuba 29:7

waatoo meŋ, n niŋ saatee alifaalu ka beŋ, n ka sii ì teema,

5 Musa 22:24

ali ñanta ì moo fuloo bee fintindi la saatee dundaŋ daa to le, ali ye ì kurulabuŋ fo ì ye faa, kaatu sunkutoo ñiŋ maŋ wuuri santo ka moolu kumandi ì ye naa a maakoyi. Aduŋ kewo ñiŋ fanaa ye musoo le laañooyaa ì ye meŋ futuusiti. Ali be kuruŋyaa bondi la ali kono teŋ ne.

Jabuuroolu 145:7

Ì be i la beteyaa baa seyinkaŋ na le, ì ye i la tiliŋo laa suukuwo ti.

1 Musa 24:11

Kabiriŋ a futata, a ye ñonkomoolu ñoyindi koloŋ daala saatewo kooma, wulaarantiloo la, waatoo meŋ na musoolu ka taa jiibiyo la.

1 Musa 29:2

A ye koloŋo je kenoo kono, bere baa be laariŋ a daa kaŋ. Beeyaŋ kooree saba be laariŋ a dandaŋo la. Kantarilaalu ka ì la beeyaŋolu, baalu niŋ saajiyolu mindi wo koloŋo le to.

1 Musa 29:3

Niŋ beeyaŋ koorewolu bee benta jee le, kantarilaalu ka beroo ñiŋ birimintiŋ ka a bondi koloŋo daa kaŋ, ka ì la beeyaŋolu mindi. Bituŋ ì ye naa beroo ñiŋ murundi koloŋo daa kaŋ.

5 Musa 33:21

A ye bankoo dulaa betoo tomboŋ a faŋo ye, kabiriŋ lasili ñaatonkoolu benta ñoo kaŋ, ñaatonkoo niyo, wo le diita a la. A ye Yaawe la yaamaroo taamandi, aniŋ a la Luwaa tilindiŋo, Banisirayila ye.”

Kiitindirilaalu 11:40

Banisirayila dimmusoolu ka taa Yefuta, Kileyadinkoo dimmusoo la kuwo woosii le fo tili naani, saŋ-wo-saŋ.

Jabuuroolu 71:15

M be kali kuu kendoolu seyinkaŋ na le, i ye mennu ke tiloo muumewo bee, ka a fo i ye i la moolu kiisa ñaameŋ, wo kuwolu yaatewo tambita n na londoo la ñaa-wo-ñaa.