Kiitindirilaalu 3:13 - Mandinka Bible

¹³ Ekiloni ye Ammoninkoolu niŋ Amalekinkoolu kafundi a faŋ ma, a naata keloo wulindi Banisirayilankoolu kamma. Bituŋ ì naata saatewo taa, tamaree suŋolu siyaata daameŋ.

Kiitindirilaalu 3:13 ပူးပေါင်းရင်းမြစ်များ

Kiitindirilaalu 1:16

Musa bitankewo mu Keninkoo le ti. A koomalankoolu le niŋ Yahuuda moolu taata ka bo saatewo to, tamaree suŋolu siyaata daameŋ, ka taa Yahuuda keñewuloo* kono, meŋ be Aradi saatewo bulubaa karoo la. Kabiriŋ ì taata jee, ì niŋ jee moolu sabatita ñoo kaŋ.

5 Musa 34:3

A ye Nekefu* tundoo fanaa yitandi a la le, aniŋ kene fanuŋo meŋ datita Sowari ka taa fo Tamaree Suŋ Saatewo to, meŋ mu Yeriko ti.

Kiitindirilaalu 5:14

Efurayimu* lasiloo jiita naŋ duuma wulumbaŋo kono. Wo koolaa Benjamini lasiloo naata, ì niŋ ì la kelediŋ kafoolu. Kelediŋ kuntiyolu naata bo Makiri bonsuŋolu le kono. Sebuluni lasiloo, wolu naata ke kantiyolu ti kelediŋolu kunna.

Kiitindirilaalu 3:14

Banisirayilankoolu tarata Ekiloni la maroo to, Mowabi mansa, fo sanji taŋ niŋ seyi.

Kiitindirilaalu 10:11

Yaawe ko Banisirayilankoolu ye ko, “Ŋa ali kanandi Misirankoolu ma, Amorinkoolu, Ammoninkoolu, aniŋ Filisitinkoolu. Fo wo maŋ ke baŋ?

Kiitindirilaalu 6:3

Niŋ Banisirayilankoolu ye fiiroo ke doroŋ, Midiyaninkoolu, Amalekinkoolu aniŋ tilibo banku koteŋo moolu si naa ka ì boyinkaŋ.

Kiitindirilaalu 10:9

Labaŋo la, Ammoninkoolu ye Yoridani Boloŋo teyi, ka taa Yahuuda, Benjamini aniŋ Efurayimu lasiloolu kele. Banisirayila naata tara bataa baa kono.

Kiitindirilaalu 10:12

Sidoninkoolu, Amalekinkoolu aniŋ Mawoninkoolu fanaalu ye ali batandi. Kabiriŋ ali daala woosiita n ye, ŋa ali kiisa ì bulu.