Kiitindirilaalu 21:3 - Mandinka Bible

³ Ì kumata ko, “Hee Yaawe* Banisirayila la Alla, muŋ ne ye a tinna ñiŋ keta bii fo Banisirayila lasili kiliŋ be manki la?”

Kiitindirilaalu 21:3 ပူးပေါင်းရင်းမြစ်များ

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Yesaya 63:17

Hee Yaawe, muŋ ne ye a tinna i sonta m̀ filita i la siloo ma, i ye ǹ jusoolu jandi, fo m̀ maŋ sila i la? Muruŋ ǹ kaŋ, i ye a ke i la dookuulaalu la kuwo kamma la, ñiŋ lasiloolu mennu mu i taa ti.

Kuma Kotoomaalu 19:3

Moo faŋo la tooleeyaa le ka a duŋ kasaaroo kono, bari hani wo, a ka a laa Yaawe* le kaŋ.

Jabuuroolu 80:12

Wo to muŋ ne duŋ ye a tinna i ye a sansaŋo boyindi duuma, ka a tinna tambilaalu bee ka a diŋolu woronto?

Jabuuroolu 74:1

Hee Alla, muŋ ne ye a tinna i ye i koo dii ntolu la fo fawu? Muŋ ne ye a tinna i jusoo kandita i faŋo la saajii koorewo kamma, i mu mennu kantalaa ti?

5 Musa 29:24

Bituŋ banku koteŋ moolu bee si a fo ko, “Muŋ ne ye a tinna Yaawe ye ñiŋ ke ñiŋ bankoo la? Muŋ ne ye a kamfandi teŋ?”

Kiitindirilaalu 21:2

Bituŋ ì naata Beteli, ì siita Alla ñaatiliŋo la jee fo wulaaroo. Ì kumboota kendeke ka wuuri santo.

Kiitindirilaalu 21:4

Wo saamoo, ì wulita juuna, ì ye sadaabodulaa* loo jee. Bituŋ ì ye jani sadaalu* bo jee, aniŋ kayira sabatindiraŋ sadaalu.