Kiitindirilaalu 2:17 - Mandinka Bible

¹⁷ Hani saayiŋ, ì buka i lamoyi ñiŋ kiitindirilaalu la kumoolu la. Ì ka ì faŋ filindi ka ke fisiriwallewolu ti ka bula alla koteŋolu nooma, aniŋ ka sujudi ì ye. Ì tariyaata yelema la le ka ì koo dii siloo la ì la alifaa foloolu tarata meŋ kaŋ, mennu keta Yaawe la yaamaroolu mutalaa ti. Itolu maŋ ke ko ì la alifaa foloolu.

Kiitindirilaalu 2:17 ပူးပေါင်းရင်းမြစ်များ

Kalatiyankoolu 1:6

A keta n ye teremma kuwo le ti ka a je ko, ali jenketa tariyaake ñaameŋ Alla la siloo la, meŋ ye ali kumandi Kiristu la hiinoo kono nuŋ. Ali bulata kibaari doo le nooma, meŋ niŋ ñiŋ maŋ ke kiliŋ ti.

5 Musa 9:12

Bituŋ Yaawe ko n ye ko, “I tariyaa i ye jii duuma, kaatu i ye moolu mennu ñaatonkayaa ka bo naŋ Misira ì ye kuu jawu baa le ke. Ì ye ì koo dii n na yaamaroolu la le ŋa mennu dii ì la, ì ye jalaŋo tunkaŋ ì faŋolu ye.”

Kiitindirilaalu 2:7

Yosuwa la baluwo waatoo la, Banisirayilankoolu tarata Yaawe batu kaŋ ne, aniŋ alifaalu tiloo la, mennu tarata baluuriŋ kabiriŋ Yosuwa beleta. Ñiŋ alifaalu ye kalamutari ke kaawakuwolu bee la le, Yaawe ye mennu ke Banisirayilankoolu ye.

Hoseya 2:2

“Ali ali baamaa jalayi, a maŋ ke n na musu ti kotenke, m maŋ ke a kee ti. Ali a jalayi, fo a si i dahaa cakayaa la, a ye jeenoo bula.

Jabuuroolu 106:43

A ye ì kiisa le siiñaa jamaa, bari ì tuta balaŋo le la ì la tawunteeyaa kono. Ì bulata kasaaroo kono ì la junuboolu kamma la.

Jabuuroolu 106:39

Ì ye ì faŋolu kosondi ì la maañaalu to le, aduŋ ì ka maa le komeŋ cakoolu.

Jabuuroolu 73:27

A koyita m ma le ko, moolu mennu be jamfariŋ i la, wolu be kasaara la le. I be moolu buruka la le mennu badalita i ma.

1 Samuweli 12:19

Moolu bee ko Samuweli ye ko, “Duwaa daani Yaawe bulu, i la Alla, ntolu i la dookuulaalu la kuwo kamma la, i si a je, ǹ te faa la, kaatu ŋà ǹ na junube kuu doolu lafaa le, kabiriŋ ǹ ko, ǹ lafita mansa le la.”

1 Samuweli 12:17

M̀ be tilikandoo le kono saayiŋ, bari m be duwaa la le, aduŋ Yaawe be samaa niŋ saŋ feteŋo jindi la le. Niŋ ñiŋ keta, ali be a loŋ na le ko, ali ye junube baa le soto Yaawe la karoo la, kabiriŋ ali ko, a ye mansa dii ali la.”

1 Samuweli 12:12

Bari kabiriŋ ali ye Ammoninkoolu la mansa Nahasi je, a ka naa ali boyinkaŋ, ali ko n ye ko, ‘Hanii, ǹ lafita mansa le la, a ye m̀ mara,’ hani a ye a tara, Yaawe ǹ na Alla le mu ali la mansa ti.

Yosuwa 24:31

Yosuwa la baluwo waatoo niŋ alifaalu tiloo la, mennu tuta baluuriŋ kabiriŋ a beleta, Banisirayilankoolu tarata Yaawe le batu kaŋ. Ñiŋ alifaalu ye kalamutari ke kuwolu bee la le, Yaawe ye mennu ke Banisirayilankoolu ye.

Yosuwa 24:24

Ñiŋ moolu ko Yosuwa ye ko, “Ntolu be Yaawe doroŋ ne batu la, ǹ na Alla, aniŋ ka a la yaamaroo muta.”

5 Musa 9:16

N naata a je ko tooñaa, ali ye junube jawu le ke Yaawe la, ali la Alla. Kaatu ali ye ninsiriŋ jalaŋo le tunkaŋ ali faŋolu ye. Ali tariyaata le ka ali koo dii Yaawe la yaamaroolu la.

3 Musa 17:7

Banisirayilankoolu maŋ ñaŋ na ì la beeyaŋ sadaalu kanateyi la jalaŋolu ye kotenke mennu muluŋo be ko baa, ì ka tara cakayaa maañaa la mennu nooma. Ñiŋ mu ali ye kaŋ looriŋo le ti ali la jamaani naalaalu bee la.

2 Musa 32:8

Ŋa ì yaamari ka siloo meŋ nooma, ì ye a bula le. Ì ye sani ninsituuraa le dadaa ka bo niŋ sani yelundiŋo la, ì ka sujudi wo le ye, ì ka sadaalu bondi a ye. Ì ka a fo le ko, ñiŋ ne mu itolu la alla ti, meŋ ye ì ñaatonkayaa ka ì fintindi naŋ Misira bankoo kaŋ.”

Amosi 2:4

Yaawe ye ñiŋ ne fo ko, “Yahuuda moolu ye landatambi junube kuwolu le ke. Ì ye nte Yaawe la luwaa soosoo, aduŋ ì maŋ bula n na yaamaroolu nooma. Ì bulata ì la alifaa foloolu la jalambatu siloolu le nooma, wo ye ì filindi. Wo kamma la n te ì jaraboo baayi la muk.

5 Musa 31:16

Bituŋ a ko Musa ye ko, “A te mee la i be i laa la, i la alifaa foloolu be laariŋ daameŋ. Wo koolaa, ñiŋ moolu be ke la le ko cakoolu, ka bula bankoo la alloolu nooma, ì be taa kaŋ daameŋ. Ì be ì koo dii la n na, aniŋ ì be kambeŋo tiñaa la, n niŋ ì ye meŋ siti.

5 Musa 31:18

Tooñaa, wo luŋo la m be maabo la ì ma le ì la kuu jawu kewo kaŋ, kaatu ì be ì ñaa tiliŋ na alla koteŋolu le la.

Kiitindirilaalu 8:33

Kabiriŋ Kideyoni faata doroŋ, Banisirayilankoolu naata ke moo filiriŋolu ti ka bula Baali* jalaŋolu nooma. Ì ye Baali-Beriti le muta ì la alla ti.

Yeremiya 3:6

Mansa Yosiya la maraloo waatoo kono, Yaawe diyaamuta nte Yeremiya ye le ko, “Fo i ye a je le, Banisirayila ye meŋ ke baŋ, komeŋ futuumusu muritiriŋo? A seleta konko-wo-konko kaŋ ne, aniŋ yirisuŋ biireeriŋo meŋ-wo-meŋ koto, ka cakayaa maañaa ke jee.

Yeremiya 6:16

Yaawe ye ñiŋ ne fo ko: “Ali loo sila fatoolu to, ali ye juubeeroo ke, ali sila kotoolu la kuu ñininkaa, ali ye ñininkaari ke sila betoo la, ali ye taama a la, wo to le ali niyo si dahaa soto. Bari ali ko ali te wo le ke la.