Kiitindirilaalu 18:4 - Mandinka Bible

⁴ A ko ì ye ko, “Mika ye ñiŋ ne ke n ye: a ye n taa piriisiyaa* le la, a ka n joo.”

Kiitindirilaalu 18:4 ပူးပေါင်းရင်းမြစ်များ

Kiitindirilaalu 17:10

Bituŋ Mika ko a ye ko, “Sabati m fee jaŋ, i ye ke n ye yaamarilaa ti aniŋ piriisoo. M be kali la kodiforo kuntu taŋ ne dii la i la saŋ-wo-saŋ, aniŋ feetoofatoolu aniŋ i la baluwo.”

2 Pita 2:3

Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.

Titus 1:11

Ì daalu ñanta soroŋ na le, kaatu ì be dimbaayaalu muumewo le la lannoo kasaara kaŋ niŋ karandiroo la, ì maŋ ñaŋ na meŋ ke la. Ì ka a ke tinewo le kamma, meŋ maŋ bo niŋ tiliŋo la.

1 Timoti 3:3

A maŋ ñaŋ na ke la dolominnaa waraŋ fitinamoo ti, bari a ñanta sooneeyaa la le. A kana ke sonkamoo ti, sako kodilandiyo.

Kiilaalu 20:33

N nene maŋ n ñaa loo moo la kodiforoo kaŋ, sanoo waraŋ waramboo.

Malaki 1:10

Yaawe Alihawaa Maariyo ye ñiŋ ne fo ko, “A be beteyaa la m fee le, niŋ ali kono moo doo ye n na buŋo daalu soroŋ, i si a je ali te tara la dimbaa kenseŋ maloo la n na sadaajanidulaa kaŋ. M maŋ kontaani ali la kuwo la, aduŋ n te sadaa muta la meŋ be bo la ali bulu.

Esekiyeli 13:19

Ali ye horomantaŋyaa le tiliŋ n na, m fansuŋ moolu bee ñaatiliŋo la, a maŋ ke feŋ kaŋ ti fo baali* siimaŋ bulufaa dantaŋ doroŋ aniŋ mbuuru kuŋ dantaŋ. Ali ka faniyaa fo ì ye, ì ka laa ali la. Ali ka moolu le faa, mennu maŋ ñaŋ na faa la, ali ka moolu tu baluuriŋ, mennu ñanta faa la.”

Yesaya 56:11

Ì mu wulu domorilaa baalu le ti, ì konoo buka faa. Itolu mu kantarilaalu le ti, mennu maŋ fahaamuroo soto, ì bee ka taa ì fansuŋ siloolu le la, ì ka a ke fankuŋ-fankuŋ ne ti.

Kuma Kotoomaalu 28:21

Fataŋ-fansoo maŋ beteyaa, hani wo, mbuuru kuntoo ka a saabu le, doolu ye kuu jawoo ke.

Kiitindirilaalu 17:12

Mika ye a toloo ka ke a la piriisoo ti. Bituŋ a naata sabati Mika yaa.

Kiitindirilaalu 18:3

Kabiriŋ ì be Mika la buŋo to, ì ye Lewi lasiloo moo doo kaŋo suutee. Bituŋ ì taata a kaŋ, ì ye a ñininkaa. Ì ko a ye ko, “Jumaa le ye i sii jaŋ? I be muŋ ne la ñiŋ dulaa to jaŋ? I la muŋ haaji le be jaŋ?”

Kiitindirilaalu 18:5

Bituŋ ì ko a ye ko, “Alla ñininkaa, fo ǹ si a loŋ, m̀ be ñiŋ siloo meŋ kaŋ teŋ, fo a be ke la ñaatotaa kuu le ti.”