Kiitindirilaalu 17:4 - Mandinka Bible

⁴ Bituŋ a baamaa ye kodiforo kuntu keme fula bondi kodiforo kuntoolu kono, a ye mennu murundi a kaŋ. A ye ì dii numoo la. Numoo ñiŋ ye jalaŋ leseriŋo taa, a ye a baloo muu niŋ kodiforoo la. Bituŋ ì taata a ke Mika la buŋo kono.

Kiitindirilaalu 17:4 ပူးပေါင်းရင်းမြစ်များ

Kiitindirilaalu 17:3

Kabiriŋ a ye ñiŋ kodiforo kuntu wuli kiliŋ keme kiliŋo seyindi a baamaa ma, a baamaa ko a ye ko, “N diŋo, m be ñiŋ kodiforoo dii la Yaawe la, fo neemoo si ke i ye. Moo doo si jalaŋo lese, a ye a baloo muu niŋ ñiŋ kodiforoo la. Saayiŋ ŋa kodiforoo murundi i kaŋ.”

Kiitindirilaalu 17:5

Mika ye a fansuŋ batudulaa le soto. A ye efodoo* dadaa, aniŋ bunkono jalaŋolu. Bituŋ a ye a dinkee kiliŋ toloo a dinkewolu kono ka ke a la piriisoo* ti.

Yesaya 30:22

Ali be ali la jalaŋolu tiñaa la le, ali ye mennu muuri kodiforoo niŋ sanoo la. Ali be ì fayi la le ko feŋ nooriŋo, ali ye a fo ì ye ko, “Ali taa jana.”

Yesaya 44:13

Kapintaa ka sumandiroo ke niŋ juloo le la, a ye nuuneeroo ke niŋ nuuneerilaŋo la. A ye a lese niŋ denoo la. A ye a dadaa le ko hadamadiŋ muluŋo, hadamadiŋo la kallankeeyaa* be ñaameŋ, fo a si sabati noo batudulaa to.

5 Musa 27:15

Dankoo be moo ye meŋ ye jalaŋo dadaa, waraŋ feŋ muluŋo, moo buloo ye meŋ dadaa, ka a batu kulloo kono. Kuu haraamuriŋo le mu Yaawe ñaatiliŋo la. Bituŋ moolu bee si a fo ko: Amiin.

Kiitindirilaalu 18:17

Ñiŋ kullooñinilaa moo luuloo doroŋ ne dunta konoto. Ì ye jalaŋ leseriŋo taa, efodoo, aniŋ jalaŋ koteŋolu. Wo waatoo la, piriisoo niŋ ñiŋ kee keme wooro niŋ ì la kelejooraŋolu be looriŋ koridaa daa to le.

Habakuki 2:18

“Jalaŋo ye muŋ nafaa le soto, hadamadiŋo faŋo la lese feŋo? A te feŋ yitandi noo la fo faniyaa. Jalaŋo ye muŋ nafaa le soto a dadaalaa ye, fo a be a jikoo loo la a kaŋ, feŋ meŋ buka diyaamu noo?