Kiitindirilaalu 16:4 - Mandinka Bible

⁴ Ñiŋ koolaa, a naata musoo doo kanu meŋ be sabatiriŋ Soreki Wulumbaŋo kono, a too mu Delila le ti.

Kiitindirilaalu 16:4 ပူးပေါင်းရင်းမြစ်များ

1 Korintinkoolu 10:6

Ñiŋ kuwolu keta ntolu ye dandalaaroo le ti, fo ǹ kana hame kuu jawoo la ko itolu hameta a la ñaameŋ nuŋ.

Kuma Kotoomaalu 22:14

Musu jeenelaa daa mu dinka baa le ti, Yaawe be kamfaariŋ moo-wo-moo kamma, wo le be duŋ na jee.

Kuma Kotoomaalu 27:22

Hani i ye toolewo tuu kuluŋo le kono, ko i ka ñoo koci ñaameŋ, i te a la tooleeyaa bondi noo la.

Kuma Kotoomaalu 26:11

Wuloo ka a la foonoo seyinkaŋ domo ñaameŋ, toolewo ka a la tooleeyaa maañaa seyinkaŋ wo le ñaama.

Kuma Kotoomaalu 23:27

kaatu cakoo ka munta le ko dinka baa, aduŋ musu jeenelaa mu koloŋ dinkariŋo le ti.

Nehemiya 13:26

Fo ñiŋ musu siifaalu la kuwo le maŋ Banisirayila la nunto mansakewo Sulemani duŋ junube kewo to baŋ? A ñoŋ mansakee maŋ soto nuŋ banku koteŋolu bee kaŋ. Alla ye a kanu le, aduŋ Alla le ye a ke Banisirayila bee la mansa ti. Bari hani ate, bantala musoolu ye a duŋ junube kewo to le.

1 Mansoolu 11:1

Bari Mansa Sulemani ye banku koteŋ musu jamaalu le kanu mennu niŋ Misira mansa dimmusoo maŋ kiliŋ. Wo musoolu mu Mowabinkoolu le ti, Ammoninkoolu, Edomunkoolu, Sidoninkoolu aniŋ Hitinkoolu.

Kiitindirilaalu 16:3

Bari Samuuda maŋ suutoo bee laa jee. A tarata jee le fo suutoo teema. Bituŋ a wulita, a ye saatewo dundaŋ daa wutu, a niŋ a yiri fuloo niŋ a sorondaŋo, a ye ì bee wutu. A ye ì laa a kaboo kaŋ, a ye ì samba konkoo santo, meŋ be Heburoni ñaatiliŋo la.

Kiitindirilaalu 16:5

Filisitinka maralilaalu naata ñiŋ musoo kaŋ, ì ko a ye ko, “Samuuda neenee, a ye a fo i ye, meŋ ka a semboo warandi teŋ, aniŋ m̀ be n kutu noo la a la ñaameŋ, fo ǹ si a muta noo, a ye tara ǹ na maroo to. Niŋ wo keta, ntolu bee kiliŋ-kiliŋ naa be kodiforo kuntu wuli kiliŋ keme kiliŋ ne dii la i la.”