Kiitindirilaalu 10:10 - Mandinka Bible

¹⁰ Wo to le mu, Banisirayilankoolu daala woosiita Yaawe ye, ì ko, “Ŋà junube kuwo le ke i la, kaatu ŋà ite, Alla bula le, ǹ ka taa Baali jalaŋolu batu.”

Kiitindirilaalu 10:10 ပူးပေါင်းရင်းမြစ်များ

1 Samuweli 12:10

Ì kumboota Yaawe ye, ì ko, ‘Ŋà junuboo le ke, ŋà Yaawe bula jee le, ŋà Baali* jalaŋolu niŋ Asitoreti* jalaŋolu batu. Bari saayiŋ m̀ bondi ǹ jawoolu la maraloo koto, aduŋ m̀ be i batu la le.’

Jabuuroolu 107:28

Bituŋ ì la mantooroo kono, ì kumboota Yaawe ye, aduŋ a ye ì bondi ì la tooroo kono.

Jabuuroolu 107:19

Bituŋ ì la mantooroo kono, ì kumboota Yaawe ye, aduŋ a ye ì bondi ì la tooroo kono le.

Jabuuroolu 107:13

Bituŋ ì la mantooroo kono, ì kumboota Yaawe ye, aduŋ a ye ì bondi ì la tooroo kono le.

Kiitindirilaalu 3:9

Bari kabiriŋ ì woosiita Yaawe ye, a naata tankandirilaa dii ì la, meŋ mu Otiniyeli ti, Kenasi dinkewo, Kenasi meŋ mu Kalebu dookewo ti. Wo le ye ì tankandi.

Kiitindirilaalu 10:9

Labaŋo la, Ammoninkoolu ye Yoridani Boloŋo teyi, ka taa Yahuuda, Benjamini aniŋ Efurayimu lasiloolu kele. Banisirayila naata tara bataa baa kono.

1 Samuweli 7:6

Kabiriŋ ì benta Misipa, ì ye jiyo bii, ì ye a boŋ Yaawe ñaatiliŋo la. Wo luŋo ì sunta le, aduŋ ì sonta jee le to ko, ì ye junuboo soto Yaawe la karoo la le. Samuweli ka kiitiyo kuntu Banisirayilankoolu ye Misipa le.

Yeremiya 2:27

wolu mennu ka a fo ko, yiroo le mu ì faamaa ti, aniŋ ko, beroo le mu ì baamaa ti. Ì ye ì koo dii n na le, ì maŋ ì ñaa tiliŋ n na. Bari niŋ ì bulata mantooroo kono, ì ka n kumandi le ka naa ì kiisa.

Kiitindirilaalu 4:3

Mansa Yabini ye nee keleraŋ sareeti* keme kononto le soto. A ye Banisirayilankoolu tilimbaliyaa baake le fo sanji muwaŋ. Wo kamma la ì naata daala woosii Yaawe ye ka ì maakoyi.

Kiitindirilaalu 6:6

Midiyaninkoolu ye Banisirayilankoolu fuwaareyandi le fo labaŋo la, ì naata daala woosii Yaawe ye ka ì maakoyi.