Kiitindirilaalu 1:12 - Mandinka Bible

¹² Kalebu naata a fo ko, “M be n dimmusoo Akisa dii la kee le la ka a futuu, meŋ ye Kiriyati-Seferi kele ka jee taa.”

Kiitindirilaalu 1:12 ပူးပေါင်းရင်းမြစ်များ

1 Samuweli 17:25

Saayiŋ Banisirayilankoolu ka tu la a fo la le ko, “Ali ye a je le, ñiŋ kewo ka tu la naa la ñaameŋ waati-wo-waati. A ka finti le ka naa Banisirayila hadaañi. Mansa be naafulu jamaa dii la kewo la le, meŋ ye a faa. A be a dimmusoo fanaa dii la wo maarii la le, a ye a futuu, aduŋ a faamaa la dimbaayaa te naamoo joo la Banisirayila kono.”

1 Samuweli 18:23

Ì ye ñiŋ kumoolu seyinkaŋ Dawuda ye, bari Dawuda ko, “Fo ali ye a miira le ko, kuu feemaa le mu ka ke mansa bitankewo ti? Nte mu fuwaaroo doroŋ ne ti, aduŋ moo jamaa maŋ n loŋ.”

Yosuwa 15:15

Kabiriŋ a bota wo to, a taata ka moolu kele, mennu be sabatiriŋ Debiri. Nunto ì ka a fo ñiŋ saatewo ye le ko, Kiriyati-Seferi.

Kiitindirilaalu 1:11

Kabiriŋ ì bota jee, ì taata ka Debirinkoolu kele. Debiri, ì ka a fo jee le ye nuŋ Kiriyati-Seferi.

Kiitindirilaalu 1:13

Kalebu dookewo, meŋ mu Kenasi ti, wo le dinkewo Otiniyeli naata jee taa. Bituŋ Kalebu ye a dimmusoo Akisa dii a la ka a futuu.

Jabuuroolu 60:9

Jumaa le be n samba la saatee tatariŋo to? Jumaa le be tambi la n ñaato Edomu kamma?

Yeremiya 29:6

Ali musoolu futuu, ali ye dinkewolu niŋ dimmusoolu soto. Ali musoolu ñini ali dinkewolu ye, ali ye ali dimmusoolu nii ka futuu, fo ì fanaa si dinkewolu niŋ dimmusoolu soto. Ali siyaa jee, ali yaatewo kana talaa.