Kiilaalu 8:31 - Mandinka Bible

³¹ A ye a jaabi ko, “Hanii, n si a fahaamu noo ñaadii le, niŋ moo maŋ a kotoo fo n ye?” Bituŋ a ye Filipi daani ka naa sii a fee a la sareetoo kaŋ.

Kiilaalu 8:31 ပူးပေါင်းရင်းမြစ်များ

Roomankoolu 10:14

Bari moolu si a kumandi noo ñaadii le, ì maŋ laa meŋ na? Ì si laa noo a la ñaadii le, niŋ ì maŋ a la kuwo kibaaroo moyi? Ì si a la kuwo kibaaroo moyi noo ñaadii le, niŋ ì maŋ kawandilaa soto?

1 Korintinkoolu 8:2

Niŋ moo-wo-moo ye a miira ko, ate ye feŋ loŋ ne, wo maarii maŋ a loŋ foloo ko a ñanta a loŋ na ñaameŋ.

Yankuba 1:21

Wo kamma la, ali fata kuu nooriŋolu bee la, aniŋ kuruŋyaa siifaa bee. Ali soŋ Alla la kumoo ma, sooneeyaa bee kono. Wo mu kumoo le ti, meŋ fiita ali sondomoolu kono, aniŋ meŋ si ali kiisandi noo.

Yankuba 1:10

Baadiŋ fankamaa si seewoo, niŋ Alla ye a la makaamoo jindi, kaatu fankamaalu la kuwo be daŋ na le ko ñaama firoo.

1 Korintinkoolu 3:18

Ali kana ali faŋolu neenee: Moo meŋ ñaamenta a faŋ fee ñiŋ duniyaa kono, wo maarii ñanta ke la toolewo le ti fo a si naa ke noo ñaamendiŋo ti.

Maaka 10:15

Tooñaa, m be a fo la ali ye, moo-wo-moo meŋ maŋ Alla la mansabaayaa muta ko dindiŋo, wo te duŋ na a kono.”

Yesaya 35:8

Sila fanuŋ baa le be tara la jee. A be kumandi la sila jankuriŋo le la. Seneyaabaloolu te taa niŋ ñiŋ siloo la, a be ke la Alla la moolu le taa ti, hani toolewolu te fili la a siloo kaŋ.

Jabuuroolu 73:22

n keta hakilintaŋo niŋ feŋ lombaloo le ti, n keta i ñaa koto ko beeyaŋo.

2 Mansoolu 5:26

Elisa ko a ye ko, “Fo nte foñomaa te nuŋ jee kabiriŋ kewo ñiŋ jiita a la sareetoo kaŋ, a ye i benduŋ? Fo ñiŋ mu kodi ñini waatoo le ti baŋ, aniŋ ka sitifeŋolu soto, olifu* yiri kankaŋolu niŋ wayini* yiri kankaŋolu, waraŋ saajiyolu niŋ ninsi koorewolu, waraŋ jonkewolu niŋ jommusoolu?

2 Mansoolu 5:9

Bituŋ Naamani niŋ a la suwoolu niŋ keleraŋ sareetoolu* naata, ì loota Elisa la buŋo daa to.

Kiilaalu 8:30

Bituŋ Filipi borita a daala, a ye a moyi, a be Annabilayi Yesaya la kitaaboo karaŋ kaŋ. Filipi ye a ñininkaa ko, “Fo i ye a fahaamu le, i ka meŋ karaŋ baŋ?”

Kiilaalu 8:32

Ñiŋ ne mu aayoolu ti, a be mennu karaŋ kaŋ: “Ì ye a kenkeŋ ne ko ì ka taa saajiyo meŋ kanateyi, ko saajiiriŋo ka i deyi a tii kuntulaa bulu ñaameŋ, a maŋ feŋ ne fo.