Kiilaalu 7:45 - Mandinka Bible

⁴⁵ M̀ mumuñolu naata ñiŋ tiriliisoo samba naŋ ñiŋ bankoo kaŋ jaŋ waatoo meŋ na, Yosuwa ye ì ñaatonkayaa ka ñiŋ bankoo taa siyolu bulu, Alla ye mennu bayi ì ñaato. Wo tiriliisoo tuta jaŋ ne fo Mansa Dawuda la waatoo.

Kiilaalu 7:45 ပူးပေါင်းရင်းမြစ်များ

Jabuuroolu 44:2

Ka bo niŋ i semboo la i ye sii koteŋolu bayi ka finti, bari i ye itolu sabatindi bankoo kaŋ ne. I ye wo sii koteŋolu jarabi le, bari i ye itolu yiriwandi le.

Kiilaalu 13:19

Kabiriŋ Alla ye sii woorowula kasaara Kanaani bankoo kaŋ, a ye ì la bankoo dii ì la keetaafeŋo ti.

Yosuwa 24:18

Aduŋ Yaawe ye ñiŋ bankoo moolu bee bayi ǹ ñaatiliŋo la le, hani Amorinkoolu daa bulariŋo jee mennu tarata sabatiriŋ ñiŋ bankoo kaŋ. Wo to, ntolu fanaalu be Yaawe batu la le, kaatu ate le mu ǹ na Alla ti.”

Yosuwa 23:9

Yaawe ye banku sembemaa baalu le la moolu bayi ali ye. Fo ka naa bula bii tiloo la, moo maŋ soto meŋ si i loo noo ali fee.

Yosuwa 18:1

Banisirayilankoolu bee benta Silo saatewo to, bituŋ ì ye Bendulaa Tiriliisi Senuŋo* wanka jee. Bankoo ñiŋ naata tara ì la maroo to.

Hiburunkoolu 4:8

Kaatu niŋ a ye a tara, Yosuwa ye dahaa dii Banisirayilankoolu la nuŋ, Alla te diyaamu la nuŋ wo luŋ doo la kuwo la meŋ ka naa.

Jabuuroolu 78:55

A ye banku moolu bayi a la moolu ñaato le, a ye ì la bankoo talaa Banisirayilankoolu teema ka ke ì la keetaafeŋo ti, a ye ì la suwolu ke Banisirayila lasiloolu le la suwolu ti.

Nehemiya 9:24

Bituŋ ì koomalankoolu dunta bankoo kaŋ, ì ye a taa. Kanaaninkoolu le tarata siiriŋ nuŋ jee, bari i ye ì kele m̀ mumuñolu ye le. I ye Kanaaninkoolu duŋ ì bulu le, ka taa ì la mansoolu, aniŋ bankoo moo koteŋolu, ka ì sawoo bo ì to, ko a diyaata ì ye ñaameŋ.

1 Taarika 21:29

Wo waatoo la Yaawe la Tiriliisi Senuŋo*, Musa ye meŋ loo keñewuloo* kono Yaawe ye, aniŋ sadaajanidulaa* be nuŋ Alla batudulaa tintiŋo* le to Kibeyoni.

1 Taarika 16:39

A ye Piriisi Sadoki niŋ a mooñoolu tu marariŋ Yaawe batudulaa tintiŋo* la meŋ be Kibeyoni,

1 Mansoolu 8:4

ì ye a samba naŋ, aniŋ bendulaa tiriliisoo* niŋ jooraŋ senuŋolu mennu bee be a kono. Piriisoolu niŋ Lewi lasiloo le ye ì samba naŋ.

1 Samuweli 4:4

Bituŋ moolu ye kee doolu kii Silo saatewo to, ì ye Kambeŋ Kunewo samba naŋ, Yaawe Alihawaa Maariyo* la semboo niŋ waroo be meŋ kaŋ kerubu malaayikoolu* teema. Aduŋ Eli dinkee fuloo Hofuni niŋ Pineha niŋ Alla la Kambeŋ Kunewo be nuŋ jee le to.

Kiitindirilaalu 18:31

Bituŋ Dani lasiloo moolu tuta wo jalaŋ leseriŋo le batu kaŋ, Mika ye meŋ dadaa, ka taa fo waatoo bee la, kabiriŋ Alla Batudulaa faŋo be Silo.

5 Musa 32:49

“Taa Abarimu Konkoolu to Mowabi bankoo kaŋ jaŋ, i ye sele Nebo Konkoo santo, meŋ be Yeriko saatewo ñaatiliŋo la. Niŋ i loota a santo, i si Kanaani bankoo juubee, m be naa daameŋ dii la Banisirayilankoolu la ka jee taa.

Jabuuroolu 80:8

I ye wayini* yiri betoo bondi naŋ Misira le, i ye banku moo koteŋolu bayi, i naata a tutu.

1 Taarika 7:27

Elisama ye Nuni wuluu, Nuni ye Yosuwa wuluu.