Kiilaalu 5:40 - Mandinka Bible

⁴⁰ Bituŋ kansulumoolu sonta a la yaamaroo ma. Ì ye kiilaalu kumandi naŋ, ì ye ì karawaasi, aduŋ ì ye ì dandalaa ko, ì kana diyaamu niŋ Yeesu too la kotenke. Wo koolaa ì ye ì bula.

Kiilaalu 5:40 ပူးပေါင်းရင်းမြစ်များ

Matiyu 10:17

Ali ali hakiloo tu moolu to, kaatu ì be ali samba la kiitiyolu to le, aniŋ ì be ali karawaasi la ì la diina bendulaalu* kono le.

2 Korintinkoolu 11:24

Siiñaa luulu Yahuudoolu ye n karawaasi busa daañaa taŋ saba niŋ konontoo la.

Kiilaalu 5:28

“Ŋà ali dandalaa baake le ko, ali kana karandiroo ke niŋ ñiŋ too la, bari ali ye Yerusalaamu fandi niŋ ali la ñiŋ karandiroo la. Ali lafita ñiŋ kewo la saayaa dunoo laa la ntolu le kaŋ!”

Maaka 13:9

“Bari ali si ali hakiloolu tu ali faŋolu to, kaatu ì be ali samba la kansulumoolu ñaatiliŋo la le. Ì be ali buutee la ì la diina bendulaalu* kono le. Ali be loo la maralilaalu niŋ mansoolu ñaatiliŋo la le n na kuwo kamma. Wo to ali be ke la n na seedoolu le ti ì ye.

Kuma Kotoomaalu 12:10

Hani moo tilindiŋo la beeyaŋo, a ka a suulafeŋo dii a la le, bari moo kuruŋo, hani a la beteyaa ka ke jawuyaa siloo doroŋ ne ti.

Luka 20:10

Kabiriŋ katiri waatoo siita, a ye dookuulaa kii luwaasilaalu kaŋ ka a niyo samba a ye naŋ. Bari luwaasilaalu ye wo dookuulaa muta. Ì ye a buutee, ì ye a bulu kenseŋo bayi.

Matiyu 23:34

Wo kamma la, ali i lamoyi, m be annabiyomoolu kii la ali kaŋ ne, moo ñaamendiŋolu, aniŋ karandirilaalu. Bari ali be ì doolu faa la le, ali be doolu pempeŋ na yiribantambiloo kaŋ. Ali be doolu karawaasi la ali la diina bendulaalu to le, aniŋ ali be doolu bayi la ka bo saatee ka taa saatee.

Mika 2:6

Moolu ka nte kawandi le, ka a fo n ye ko, “I dahaa kawandoo la, kana ñiŋ kuu siifaa kawandi. Malu kuu te naa ntolu kaŋ.

Amosi 2:12

“Bari ali ye nasira moolu mindi doloo la le, ali balanta annabiyomoolu ma ka ì la kiilaariyaa kumoo bankee.

Yesaya 30:10

Ì ka a fo jerilaalu ye le ko, “Ali kana jeroo ke kotenke!” Ì ka a fo annabiyomoolu fanaa ye le ko, “Ali kana tooñaa fo ntolu ye! Ali kuma diimaalu fo ǹ ye, ali ka neeneeri kumoo bankee ǹ ye!

Matiyu 20:19

Ì be a duŋ na wolu bulu le, mennu maŋ ke Yahuudoolu ti, aduŋ wolu be a ñaawali la le, ka a karawaasi aniŋ ka a pempeŋ yiribantambiloo kaŋ, bari a be wulindi la saayaa kono le tili sabanjaŋo la.”