Kiilaalu 5:39 - Mandinka Bible

³⁹ Bari niŋ ñiŋ bota Alla le bala, ali te ì boyindi noo la. Ali be ali faŋolu je la Alla le kelendoo la.”

Kiilaalu 5:39 ပူးပေါင်းရင်းမြစ်များ

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Yesaya 46:10

“Kuwolu koolaa be ke la meŋ ti, ŋa a fo ali ye le kabiriŋ. Koomanto ŋa a fo ali ye le, meŋ be naa ke la. N ko, n na feeroolu te tiñaa la, n lafita feŋ-wo-feŋ na, m be wo le ke la.

Matiyu 16:18

Aduŋ m be a fo la i ye, ite mu Pita le ti. M be n na kafoo loo la ñiŋ beroo le kaŋ, hani saayaa semboo te wo kafoo tiñaa noo la.

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.

1 Korintinkoolu 1:25

Kaatu Alla la ñaameŋo meŋ keta tooleeyaa ti hadamadiŋolu ye, wo le tambita hadamadiŋolu la ñaameŋo bee la, aduŋ Alla la semboo meŋ keta sembentaŋyaa ti hadamadiŋolu ye, wo le tambita hadamadiŋolu la semboo bee la.

Kiilaalu 11:17

Wo to Alla ye ñiŋ soorifeŋ kiliŋo le dii ì la, a ye meŋ dii ntolu la, biriŋ ǹ laata Maarii Yeesu Kiristu* la. Saayiŋ, jumaa le mu nte ti, meŋ si balaŋ noo Alla ma?”

Kiilaalu 9:5

Bituŋ Sawulu ko, “Maariyo, jumaa le mu ite ti?” Kumakaŋo ye a jaabi ko, “Nte le mu Yeesu ti, i ka meŋ toora.

Kiilaalu 6:10

Bari ì maŋ balaŋ noo a la ñaameŋo la, aniŋ Nooroo la, a ka diyaamu meŋ na.

Luka 21:15

Kaatu m be kumoolu niŋ ñaameŋo dii la ali la le, fo hani ali jawu kiliŋ te balaŋ noo la ali ma, waraŋ ka ali soosoo.

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Kiilaalu 23:9

Wo to le sari baa datita ì kono. Luwaa karammoo* doolu mennu be Farisewolu la kafoo kono, ì wulita ka a fo ko, “Ntolu maŋ sootaari je ñiŋ kewo bala. A si ke noo ko, Nooroo waraŋ malaayikoo le diyaamuta a ye.”

Yesaya 43:13

Tooñaa, nte le mu Alla ti saayiŋ fo abadaa. Moo te kana noo la m bulu. Niŋ ŋa kuu ke, jumaa le si a faliŋ noo?”

Yesaya 45:9

Kooroo boyita moo kaŋ ne, meŋ niŋ a Daamansoo ka sonka. A maarii maŋ ke feŋ ti, fo daa telendaŋolu mennu be fayiriŋ bankoo to. Fo boo ka a fo boodaalaa ye le ko, “I ka muŋ ne daa?” waraŋ, “A maŋ dadaa kuu”?

2 Mansoolu 19:22

Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

1 Mansoolu 12:24

Yaawe ye ñiŋ ne fo ko, ali kana wuli ka taa ali baadiŋ Banisirayilankoolu kele. Ali taa suwo kono, ali bee, kaatu ñiŋ mu ate le la keroo ti.” Bituŋ ì ye Yaawe la kumoo muta, ì muruta suwo kono, komeŋ Yaawe ye a fo ñaameŋ.

2 Samuweli 5:2

Hani kabiriŋ Sawulu be mansayaa la ǹ ye, ite le ye Banisirayilankoolu ñaatonkayaa ì la keledulaalu to. Bituŋ Yaawe* ye a fo i ye ko, ‘Ite le be n na moolu Banisirayilankoolu kanta la, i ye ke ì la maralilaa ti.’ ”

1 Korintinkoolu 10:22

Fo ǹ lafita Maariyo kiiliyandi la le baŋ? Fo ntolu le bambanta ate ti baŋ?

1 Musa 24:50

Bituŋ Labani niŋ Betuweli ye jaabiroo ke ko, “Kuwo ñiŋ bota Yaawe faŋo le yaa. Ntolu te kuma fo noo la i ye.