Kiilaalu 4:24 - Mandinka Bible

²⁴ Kabiriŋ ñiŋ kafoo ye ñiŋ moyi, ì ye ì kaŋolu wulindi Alla ye ŋaniya kiliŋo kono ko: “ ‘Maariyo, Alla! Ite le ye saŋo niŋ bankoo daa, aniŋ fankaasoo, ka taa feŋolu mennu bee be ì kono.’

Kiilaalu 4:24 ပူးပေါင်းရင်းမြစ်များ

2 Musa 20:11

Nte Yaawe ye saŋo niŋ bankoo, baa aniŋ a konokono feŋolu bee daa tili wooro le kono, bari tili woorowulanjaŋ luŋo la, ŋa n dahaa le. Wo kamma la, nte Yaawe ye neemoo jindi Loobula Luŋo la, ŋa a luŋo buuñaa fanaa.

Yeremiya 32:17

Hee Yaawe Alla, ite le ye saŋo niŋ bankoo daa ka bo niŋ i la sembe baa la, aduŋ i ye a ke niŋ i bulu sembemaa le la. Feŋ maŋ koleyaa ite fee.

Nehemiya 9:6

“Ite Yaawe, ite doroŋ ne mu Maariyo ti, Daamansoo meŋ ye saŋ fatoolu daa, hani fo saŋ fata labaŋolu to, aniŋ ì kono malafeŋolu bee. I ye bankoo daa, aniŋ feŋ-wo-feŋ be baluuriŋ a kaŋ, i ye fankaasoolu daa, aniŋ daafeŋolu mennu bee be ì kono. Feŋo bee balundilaa mu ite le ti, aduŋ saŋo santo feŋo bee ka ite le batu.

2 Mansoolu 19:15

Wo le to Hesekiya duwaata Yaawe ñaatiliŋo la ka a fo ko, “M Maarii Yaawe, Banisirayila la Alla, meŋ be sabatiriŋ kerubu malaayikoolu* teema, ite doroŋ ne mu Alla ti duniyaa mansamarali bankoolu bee kaŋ. Ite le ye saŋo niŋ bankoo daa.

Yeremiya 20:13

Ali suukuwo laa Yaawe ye, ali ye a jayi! Kaatu a ye moo toorariŋolu niyo tankandi kuu jawu kelaalu bulu le.

Yesaya 51:12

Yaawe ko: “Nte, nte faŋo le ka ali sabarindi. Wo to muŋ ne ye a tinna, ali ka sila hadamadiŋo la, saayaa be meŋ kunna, hadamadiŋo meŋ maŋ ke feŋ ti fo ñaamoo?

2 Mansoolu 19:19

Wo to saayiŋ Yaawe, ǹ na Alla, ǹ tankandi mansa ñiŋ bulu. Niŋ wo keta, duniyaa mansamarali bankoolu bee si a loŋ ko, ite Yaawe doroŋ ne mu Alla ti.”

Kiilaalu 16:25

Wo suutoo duutalaa la, Pawulu niŋ Silas be duwaa kaŋ, ì ye jayiri suukuwolu laa Alla ye, aduŋ bunjawutonkoolu be ì lamoyi kaŋ.

Kiilaalu 4:23

Biriŋ ì ye ì bula, Pita niŋ Yohana muruta ì kafuñoolu yaa. Ì ye kuwolu bee saata ì ye, piriisi ñaatonkoolu niŋ alifaalu ye mennu fo ì ye.

Kiilaalu 14:15

“Kewolu, muŋ ne ye a tinna ali be ñiŋ ke la? Ntolu mu hadamadiŋolu doroŋ ne ti ko ali be ñaameŋ. M̀ be kibaari betoo le kawandi kaŋ ali ye fo ali si ali koo dii ñiŋ kuu kenseŋolu la ka soŋ Alla baluuriŋo ma. Ate le ye saŋo niŋ bankoo daa, fankaasoo aniŋ a konokono feŋolu bee.