Kiilaalu 4:20 - Mandinka Bible

²⁰ Ǹ te kuwolu fobaliyaa noo la, ŋà mennu je, aniŋ ŋà mennu moyi.”

Kiilaalu 4:20 ပူးပေါင်းရင်းမြစ်များ

Kiilaalu 22:15

I be ke la seedoo le ti moolu bee ye a la kuwo to, i ye meŋ je, aniŋ i ye meŋ moyi.

Yeremiya 20:9

Bari niŋ n kumata ko, n te i la kuma fo la kotenke, waraŋ ka diyaamu i tooyaa la, i la kumoo ka ke n jusoo kono le ko dimbaa, ko dimbaa meŋ be fo n jusoo kono. M bataata n deyi la a kaŋ ne, n te wo noo la faŋ.

Kiilaalu 5:32

Aduŋ ntolu le mu ñiŋ kuwolu seedoolu ti, ǹ niŋ Noora Kuliŋo fanaa, Alla ye meŋ dii moolu la, mennu ye a la kumoo muta.”

Esekiyeli 3:11

Saayiŋ, wuli i ye taa i la moolu kaŋ, i niŋ mennu be mutoo kono, i ye diyaamu ì ye. I si kumoolu sindi ì ma, nte Yaawe, i Maariyo be meŋ fo kaŋ i ye, fo ì be i lamoyi la i la le baŋ, waraŋ fo ì te i lamoyi la i la.”

Kiilaalu 18:5

Kabiriŋ Silas niŋ Timoti futata jee ka bo Makedoniya, Pawulu ye kawandoo doroŋ ne ke, a ka seedeyaa ke Yeesu la kuwo to ko, ate le mu Alimasiihu* ti.

Kiilaalu 3:15

bari baluwo diilaa tooñaa, ali ye wo faa. Bari Alla naata a wulindi ka bo saayaa kono, aduŋ ntolu mu seedoolu le ti wo kuwo to.

Kiilaalu 2:32

“Alla ye ñiŋ Yeesu wulindi saayaa kono le, aduŋ ntolu bee mu seedoolu le ti wo kuwo to.

Kiilaalu 1:8

Bari niŋ Noora Kuliŋo naata ali kaŋ, ali be semboo soto la le, aduŋ ali be ke la seedoolu le ti n na kuwo to Yerusalaamu kono, Yudeya tundoo bee kaŋ, Samariya, aniŋ ka taa fo duniyaa daŋo to.”

Luka 1:2

Ì ye kuwolu safee le ko ì ye ì moyi ñaameŋ seedoolu bulu, mennu ye ì seedeyaa ì ñaalu la biriŋ foloodulaa to, aduŋ ì naata wo kuwolu kawandi fanaa.

Mika 3:8

Bari nte wo de, Yaawe le ye nte bambandi. A ye a la Nooroo le duŋ n na, a ye tooñaa hakiloo dii n na, aniŋ fatiyaa, ka tooñaa yitandi Banisirayila la, Yaakuba koomalankoolu, ì la muritoo niŋ ì la junube kuu kewo to.

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.

Yeremiya 1:7

Bari Yaawe ko n ye le ko, “Kana a fo ko i mu dindiŋo le ti. Taa ŋa i kii mennu bee kaŋ, aduŋ ŋa i yaamari ka feŋ-wo-feŋ fo, i si a fo ì ye.

2 Samuweli 23:2

Yaawe* la Nooroo dunta n na le ka diyaamu, a la kiilaariyaa be n daa kono.

4 Musa 23:20

Nte ŋa yaamaroo meŋ soto, wo le mu, ka neemoo daani. Alla ye neemoo dii le fokabaŋ, aduŋ nte te wo faliŋ noo la.

4 Musa 22:38

Balaamu ko a ye ko, “N naata le saayiŋ. Bari fo nte ye sembe le soto ka feŋ fo noo baŋ? Alla ye kumakaŋo meŋ duŋ n daa, nte ñanta ka wo le fo.”

Kiilaalu 2:4

Bituŋ ì bee faata niŋ Noora Kuliŋo la. Ì ye a dati ka diyaamu niŋ wandi kaŋolu la ko Noora Kuliŋo ye kumoolu dii ì la ñaameŋ.

Kiilaalu 1:22

ka dati Yaayaa la batiseeroo la ka naa fo waatoo meŋ na, Yeesu bota ǹ kono ka taa Alla yaa. Aduŋ wo maarii niŋ ntolu ñanta ke la seedoolu le ti Yeesu la saayaakoolaa wulindiroo la kuwo to.”

Yeremiya 6:11

Wo kamma la Yaawe la kamfaa be faariŋ n kono le tep, aduŋ n te a muta noo la n kono kotenke. Yaawe ko n ye ko: “A kupi dindiŋolu kaŋ mbeedoolu kono, ka taa fondinkee beŋolu to. Kewolu niŋ ì la musoolu be bula la a kono le, ka taa keebaalu, hani fo keebaa kotoo baalu.

Amosi 3:8

Niŋ jatoo bumbunta, jumaa le te sila la? Niŋ Maarii Yaawe diyaamuta, jumaa le si a la kumakaŋo bankewo baayi noo?