Kiilaalu 3:8 - Mandinka Bible

⁸ A podita, a loota, aduŋ a taamata. Bituŋ a niŋ ì dunta ñoo la Alla Batudulaa to. A be taamaŋ-taamaŋ kaŋ, a ka podi, a be Alla jayi kaŋ.

Kiilaalu 3:8 ပူးပေါင်းရင်းမြစ်များ

Kiilaalu 14:10

Wo to le Pawulu sarita santo ko, “Wuli, i ye loo i siŋolu kaŋ!” A sawunta santo ka taama.

Yesaya 35:6

Lanjuurutoo si sawuŋ ko minaŋo, mumunewo ye denkiloo laa seewoo kono. Kaatu keñewuloo be faa la jiyo la le, wuloo bee ye ke boloŋo ti.

Luka 6:23

Ì mumuñolu ye wo kuu kiliŋo le ke annabiyomoolu la. Ali seewoo wo luŋo la, ali ye sawuŋ-sawuŋ jusulaa kamma la, kaatu ali la joo be wara la Arijana kono le.

Yohana 5:14

Ñiŋ kuwolu koolaa, Yeesu ye wo kewo tara Alla Batudulaa to. A ko a ye ko, “A fele, i kendeyaata. Kana junuboo ke kotenke, fo kuu kana ke i la, meŋ jawuyaata foloo ti.”

Luka 18:43

Wo loo niŋ baroo teema a ñaa yeleta, aduŋ a ye Yeesu nooma siloo kaŋ. A be Alla jayi kaŋ. Biriŋ moolu bee ye a je, ì ye jayiroo dii Alla la.

Kiilaalu 3:7

Bituŋ Pita ye a bulubaa buloo muta ka a wulindi. Wo loo niŋ baroo teema, a siŋolu niŋ a cokoolu bambanta.

Kiilaalu 19:16

Bituŋ kewo meŋ ye seetaani jawoo soto, a podita ì kaŋ. A ye ì bee noo niŋ a semboo la, a ye ì barama jawuke fo ì bala kenseŋo borita ka finti buŋo kono.