Kiilaalu 27:20 - Mandinka Bible

²⁰ Kabiriŋ ì maŋ tiloo niŋ looloolu je fo tili jamaa, aduŋ foño baa be kontindiŋ ne doroŋ, m̀ bee naata jikilateyi ko, ǹ te tanka la.

Kiilaalu 27:20 ပူးပေါင်းရင်းမြစ်များ

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

1 Tesalonikankoolu 4:13

Baadiŋolu, m maŋ lafi ali ye tu lombaliyaa kono ǹ na moolu la kuwo to, saayaa ye mennu muta, i si a je, ali te sunu la ko doolu mennu maŋ jikoo soto.

Efesusinkoolu 2:12

Ali kana ñina ko, ali maŋ Kiristu la kafuñooyaa soto noo nuŋ, bari ali keta luntaŋolu le ti, mennu maŋ Banisirayila la bankudiŋyaa soto. Ali maŋ niyo soto kambeŋolu kono, Alla ye mennu laahidi. Ali maŋ jikoo soto ñiŋ duniyaa kono, aduŋ ali maŋ Alla loŋ.

Esekiyeli 37:11

Wo to le Yaawe naata a fo n ye ko, “Hadamadiŋo, ñiŋ kuloolu mu Banisirayilankoolu le ti. Ì ka a fo le ko, ‘Ǹ kuloolu jaata le, ǹ jikilateyita le, aduŋ ǹ kasaarata le.’

Yeremiya 2:25

Banisirayila, kana i sinto samatoo baŋ yaayoo la, waraŋ i kaŋo ye jaa mindoo la! Bari i ko wo mu kuma kenseŋo le ti, ite ye banku koteŋ jalaŋolu le kanu nte ti, fo i si bula wolu nooma doroŋ.”

Yesaya 57:10

I ye i faŋo batandi ñiŋ maañaalu le la, bari i maŋ a kalamuta ko, a maŋ nafaa soto. I naata i faŋo wakiilindi ka a ke.

2 Korintinkoolu 11:25

Siiñaa saba ì ye m buutee niŋ dokoo la. Ì ye m buŋ beroolu la siiñaa kiliŋ. Kuluŋo kupita m fee ko siiñaa saba. Aduŋ suutoo sotota, aniŋ tiloo, n tarata yanka kaŋ fankaasoo kono.

Yunusa 1:4

Bituŋ Yaawe ye foño baa wulindi Baa Baa* ñiŋ kono, turubaadoo wulita, fo kuluŋo lafita ka teyi.

Jabuuroolu 105:28

Alla ye diboo dundi bankoo kaŋ, dibi fiŋ diboo, Misirankoolu balanta a la yaamaroolu la.

Kiilaalu 27:19

Wo saamoo tili fulanjaŋo la, ì faŋolu ye kuluŋ jooraŋolu bondi ka ì fayi baa kono.

Kiilaalu 27:21

Kabiriŋ ì maŋ domoroo ke fo tili jamaa, Pawulu loota ì teema, a ko ì ye ko, “Niŋ ali ye n na kumoolu muta nuŋ, ŋa meŋ fo ko, ǹ kana bo Kireti, tennuŋ ǹ te duŋ na ñiŋ toora baa niŋ kasaaroo kono.