Kiilaalu 2:20 - Mandinka Bible

²⁰ Tiloo be dibi la, karoo ye wulee ko yeloo, janniŋ Maariyo la luŋo, luŋ kallankeeyaariŋ* baa.

Kiilaalu 2:20 ပူးပေါင်းရင်းမြစ်များ

2 Pita 3:10

Bari Maariyo la Luŋo be naa la le ko suŋo. Bituŋ saŋ fatoolu ye yeemaŋ, ì niŋ maakaŋ baa. Feŋolu mennu bee be alihawaa kono, ì be kasaara la niŋ dimbaa le la, aduŋ duniyaa fanaa aniŋ feŋolu bee mennu be a kono, be jani la le.

Amosi 8:9

Maarii Yaawe ye ñiŋ ne fo ko: “Wo luŋo la, n si tiloo boyindi tilikuntewo waatoo, ŋa diboo duŋ duniyaa kono tilibula baa.

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

1 Tesalonikankoolu 5:2

baawo a koyita ali faŋolu la le ko, Maariyo la luŋo be naa la le ko suŋo ka naa suutoo la ñaameŋ.

Malaki 4:5

“M be Annabilayi Eliya kii la ali kaŋ ne janniŋ nte Yaawe la ñiŋ luŋ baa, luŋ koleŋo, ka sii.

Yoweli 2:1

Ali binoo fee Siyoni*, n na konko senuŋo*, ali a fee maamandiraŋo ti. Bankoo siilaalu bee ye jarajara, kaatu Yaawe* la luŋo ka naa le, a sutiyaata naŋ ne.

2 Pita 3:7

Bari saŋ fatoolu niŋ ñiŋ duniyaa, mennu be sotoriŋ saayiŋ, ì be sotoriŋ Alla la wo yaamari kiliŋo le kaŋ, fo ì si kasaara dimbaa la. Ì be tara la keriŋ ne fo kiitiiluŋo la, aniŋ allantaŋolu la kasaara luŋo.

Luka 21:25

“Aduŋ taamanseeroolu be tara la tiloo, karoo aniŋ looloolu bala. Baa niŋ jiibaliŋolu la maakaŋ baa be niitooroo niŋ jikilateyoo laa la nasiyoŋolu kaŋ.

Maaka 13:24

“Bari wo waatoo, koleyaa kuu baa koolaa, tiloo be dibi la le, aduŋ karoo te a la maloo dii la.

Yoweli 3:14

Moo wuliwuloolu, kiitii wulumbaŋo to! Yaawe la luŋo sutiyaata naŋ kiitii wulumbaŋ ne.

Lankenemoo 16:8

Wo to le malaayika naaninjaŋo ye a la booloo boŋ tiloo kaŋ. Siloo naata dii tiloo la ka moolu buruburu niŋ dimbaa la.

Lankenemoo 6:12

Ŋa Saajiiriŋo je, a ye noto wooronjaŋo teyi. Wo keta banku jarajara baa ti. Tiloo naata fiŋ ko fintoŋo, aniŋ karoo bee naata wulee ko yeloo.

1 Korintinkoolu 5:5

ali si wo kewo dii Seetaanoo* la fo a balajaatoo si kasaara, bari a la nooroo si kiisa Maarii Yeesu la luŋo la.

Matiyu 27:45

Saayiŋ, ka bo talaŋ taŋ niŋ fula tilibuloo ka taa fo talaŋ saba tilibuloo, dibi baa dunta bankoo muumewo bee kaŋ.

Yeremiya 4:23

Ŋa duniyaa juubee le, a be kenseŋyaariŋ, sawura te a la, saŋ fatoolu fanaa, ì malafeŋolu bee yeemanta le.

Yesaya 34:8

Yaawe ye kiisandiroo parendi Siyoni* ye le, aniŋ saŋo meŋ na a be a la kuwo makatoo bayi la.

Yesaya 24:23

Karoo si dibi, tiloo ye foo a la maloo la, kaatu Yaawe Alihawaa Maariyo* le be maraloo ke la Yerusalaamu Siyoni* Konkoo kaŋ, saatee ñaatonkoolu si a la mansabaayaa je.

Yesaya 13:15

Ì ye moo-wo-moo muta, ì be a soo la niŋ sooroo le la, ì ye mennu bee muta, hawusaroo* le be ì faa la.

Yesaya 13:9

A juubee, Yaawe la luŋo ka naa le, luŋ koleŋ baa, jusukandoo aniŋ kamfaa koleŋo naa luŋo, ka duniyaa kenseŋyandi, ka junubelaalu kasaara jee.

Yesaya 13:10

Saŋo looloolu niŋ ì la maloo te je la. Niŋ tiloo be wuli la, a si dibi, aduŋ karoo te mala la.

Yoweli 2:31

Tiloo be yelema la diboo ti, karoo ye wulee ko yeloo, janniŋ Yaawe la luŋ baa, luŋ koleŋo be naa la.

Kiilaalu 2:19

M be kaawakuwolu yitandi la saŋo santo le, aniŋ taamanseeroolu duniyaa kono duuma. Yeloo niŋ dimbaa be tara la jee, aniŋ siisii dibiriŋ baa.

Kiilaalu 2:21

Bari moo-wo-moo meŋ ye Maariyo too kumandi, wo be kiisa la le.’