Kiilaalu 2:18 - Mandinka Bible

¹⁸ Wo luŋolu kono, m be n na Nooroo boŋ na n na dookuulaalu kaŋ, kewolu niŋ musoolu, aduŋ ì bee be kiilaariyaa kumoolu fo la le.

Kiilaalu 2:18 ပူးပေါင်းရင်းမြစ်များ

Kolosankoolu 3:11

Ñiŋ kuwo la karoo la, fataŋ-fansoo te baadiŋolu* teema, fo Yahuudoo le mu baŋ, waraŋ Jirisinkoo, sunnariŋo waraŋ sunnabaloo, fo bantalankoo le mu waraŋ wulakono moo, fo joŋo le mu waraŋ foroo, kaatu Kiristu mu feŋo bee le ti ì bee ye, aduŋ a be baluuriŋ ì bee le kono.

Kalatiyankoolu 3:28

Wo to Yahuudiyaa niŋ Jirisinkayaa te jee, joŋyaa niŋ foroyaa, waraŋ kewo niŋ musoo, kaatu alitolu bee mu kiliŋ ne ti Kiristu Yeesu kono.

Kiilaalu 21:10

Kabiriŋ ŋà tili dantaŋ sabati ì fee, kiilaariyaa kumafolaa doo naata ka bo Yudeya, meŋ too mu Akabus ti.

Luka 12:45

Bari niŋ wo dookuulaa ko a faŋ ye ko, ‘A be mee la le, janniŋ m maariyo be naa la,’ bituŋ a ye a dati ka a dookuuñoo musoolu niŋ kewolu buutee, a ye a dati ka domoroo niŋ miŋo ke fo a ka siira.

Kiilaalu 2:17

‘Alla be a bankee kaŋ ko: Luŋ labaŋolu la, m be n na Nooroo jindi la hadamadiŋolu bee kaŋ ne. Ali dinkewolu niŋ ali dimmusoolu be kiilaariyaa kumoolu bankee la le. Ali la fondinkewolu be jeroo ke la, ali la keebaalu ye siiboo.

Kiilaalu 2:19

M be kaawakuwolu yitandi la saŋo santo le, aniŋ taamanseeroolu duniyaa kono duuma. Yeloo niŋ dimbaa be tara la jee, aniŋ siisii dibiriŋ baa.