Kiilaalu 17:17 - Mandinka Bible

¹⁷ Wo to le a niŋ Yahuudoolu tarata kacaa kaŋ ì la diina bendulaa to, ì niŋ Alla ñaasilannaa doolu. A ka diyaamu moolu fanaa ye le, a ka mennu tara marisewo to luŋ-wo-luŋ.

Kiilaalu 17:17 ပူးပေါင်းရင်းမြစ်များ

Kiilaalu 13:16

Wo to le Pawulu loota, a ye a buloo wulindi, bituŋ a ko: “Banisirayilankoolu aniŋ moolu bee mennu ye Alla ñaasilaŋo soto, ali n lamoyi.

Kiilaalu 9:20

Jee niŋ jee a ye kawandoo dati Yahuudi diina bendulaalu kono ko, Yeesu mu Alla Dinkewo* le ti.

Luka 12:3

Wo kamma la, niŋ ali ye meŋ fo diboo kono, a be moyi la maloo le kono. Aduŋ ali ye meŋ dumbu ali la buŋolu kono, wo be kankulaa la kankaraŋo santo le.

Maaka 16:15

Bituŋ a ko ì ye ko, “Ali taa duniyaa bee kono, ali ye kibaari betoo kawandi hadamadiŋolu bee ye.

Kuma Kotoomaalu 8:34

Seewoo be moo ye, meŋ ka i lamoyi n na, aniŋ meŋ ka m fintitoo kanta luŋ-wo-luŋ, a ka n duntoo batu.

2 Timoti 3:5

Ì ka munta le ko Alla ñaasilannaalu, bari ì maŋ soŋ a la semboo ma. Fata wo moo siifaalu ma!

2 Timoti 3:2

Moolu be ì faŋolu doroŋ ne kanu la, ì be ke la kodilandiyolu le ti, faŋ wara moolu, kibirilaalu, tooñeeri kumafolaalu, wuluulaa soosoolaalu, wasabaloolu aniŋ seneyaabaloolu.

Kiilaalu 10:2

A mu moo tilindiŋo le ti, meŋ ye Alla ñaasilaŋo soto, a niŋ a la bunkononkoolu bee. A ka sadaa dii baake moolu la le, mennu be suulariŋ, aduŋ a ka tu duwaa la waati-wo-waati.

Kiilaalu 8:2

Alla ñaasilannaa doolu ye Stifeni baadee, aduŋ ì woosiita baake a la saayaa kamma la.

Yeremiya 6:11

Wo kamma la Yaawe la kamfaa be faariŋ n kono le tep, aduŋ n te a muta noo la n kono kotenke. Yaawe ko n ye ko: “A kupi dindiŋolu kaŋ mbeedoolu kono, ka taa fondinkee beŋolu to. Kewolu niŋ ì la musoolu be bula la a kono le, ka taa keebaalu, hani fo keebaa kotoo baalu.

Kiilaalu 13:43

Beŋo bandiŋ koolaa kafoo janjanta, bari Yahuudi jamaa, ì niŋ moolu mennu yelemata ka ke Yahuudoolu ti, aduŋ ì soobeeyaata ì la diinoo kono, ì kafuta Pawulu niŋ Barinabas ma. Bituŋ Pawulu niŋ Barinabas diyaamuta ì ye, aduŋ ì ka ì wakiilindi ka tu i tuukuriŋ Alla la hiinoo la.

Kiilaalu 13:50

Bari Yahuudoolu ye musu buuñaariŋolu sukusuku, mennu soobeeyaata ì la diinoo kono, ì niŋ saatewo ñaatonkoolu. Ì ye toorandiroo wulindi Pawulu niŋ Barinabas kamma fo ì naata ì bayi ì la tundoo kaŋ.