Kiilaalu 16:30 - Mandinka Bible

³⁰ A ye ì fintindi banta. A ko ì ye ko, “Alifaalu, nte ñanta muŋ ne ke la ka kiisa?”

Kiilaalu 16:30 ပူးပေါင်းရင်းမြစ်များ

Kiilaalu 2:37

Kabiriŋ moolu ye ñiŋ moyi, ì niyo toorata baake. Bituŋ ì ko Pita niŋ kiilaa* doolu ye ko, “M̀ baadiŋolu, ǹ ñanta muŋ ne ke la saayiŋ?”

Kiilaalu 22:10

“Bituŋ n ko, ‘Maariyo, n ñanta muŋ ne ke la?’ Wo to le Maariyo ko n ye ko, ‘Wuli, i ye taa Damasiku. Kuwo bee be fo la i ye jee le, i tombonta meŋ kamma.’

Kiilaalu 14:15

“Kewolu, muŋ ne ye a tinna ali be ñiŋ ke la? Ntolu mu hadamadiŋolu doroŋ ne ti ko ali be ñaameŋ. M̀ be kibaari betoo le kawandi kaŋ ali ye fo ali si ali koo dii ñiŋ kuu kenseŋolu la ka soŋ Alla baluuriŋo ma. Ate le ye saŋo niŋ bankoo daa, fankaasoo aniŋ a konokono feŋolu bee.

Luka 3:10

Bituŋ wo kafu baa ye Yaayaa ñininkaa ko, “Saayiŋ ǹ ñanta muŋ ne ke la?”

Matiyu 3:8

Ali daajikoo yitandi, meŋ mu tuubi tooñaa ti.

Yesaya 58:9

Wo to ali be n kumandi la le, aduŋ nte Yaawe be ali danku la le, ali be woosii la maakoyiroo la, aduŋ m be a fo la le ko, ‘M fele.’ “Niŋ ali ye i foño ka yookoo laa moolu kaŋ, ka ali buloo coodi moolu la, aniŋ ka kuma jawoo fo,

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Kiilaalu 16:24

Biriŋ a ye wo dandalaaroo moyi, a ye ì dundi bunjawoo la dulaa tankariŋ baa kono, aduŋ a ye ì siŋolu duŋ kutiŋolu daa.

Kiilaalu 16:17

A bulata ǹ niŋ Pawulu nooma ka sari santo ko, “Ñiŋ kewolu mu Alla Mansa Tallaa la dookuulaalu le ti, mennu ka kiisoo siloo fo ali ye.”

Kiilaalu 9:6

Wuli saayiŋ, i ye duŋ saatewo kono. A be fo la i ye jee le, i ñanta meŋ ke la.”

Yuuba 25:4

Hadamadiŋo si tiliŋ noo Alla ñaa koto ñaadii le? Musoo ye moo meŋ wuluu, wo maarii si seneyaa noo ñaadii?

Matiyu 5:7

“Barakoo be moolu ye, mennu ye balafaa soto, kaatu balafaa le be yitandi la ì la.

Yesaya 58:6

“Hanii, n lafita ñiŋ suŋ siifaa le la, ka tilimbaliyaa jolomaa firiŋ, ka yookoo* firiŋ moo toorariŋolu kaŋ, ì ye dahaa, aniŋ ka dunoo bee bondi moolu kaŋ.

Yuuba 34:32

N karandi kuu la, m maŋ meŋ je noo, niŋ ŋa kuu kuruŋo le ke, wo to n te a ke la kotenke.”