Kiilaalu 13:7 - Mandinka Bible

⁷ A be jooyoo maralilaa le fee nuŋ, meŋ too mu Seekiyus Pawulu ti. Kee ñaamendiŋo le mu a ti. A ye Barinabas niŋ Sawulu kumandi a kaŋ, kaatu a hameta ka Alla la kumoo moyi.

Kiilaalu 13:7 ပူးပေါင်းရင်းမြစ်များ

Kiilaalu 19:38

Wo to, niŋ Demetiriyus niŋ kodiforo tunkannaalu mennu be a fee ye tuumiroo soto moo doo ma, kiitiidulaalu be yeleriŋ ne, aduŋ kumandaŋolu be jee le. Ì si taa luwaa siloo la.

Kiilaalu 13:12

Kabiriŋ jooyoo maralilaa ye a je, meŋ keta, a laata. Aduŋ a kaawata Maariyo la karandiroo la.

Kiilaalu 18:12

Kalliyo mu Akaya maralibankoo la kumandaŋo ti waatoo meŋ na, Yahuudoolu naata kambeŋ, ì ye Pawulu muta, ì ye a samba kiitiidulaa to.

Kuma Kotoomaalu 18:15

Moo meŋ ye kuwolu bo noo ñoo to, wo ka lafi londi ñinoo le la, aduŋ moo ñaamendiŋo le ka lafi a moyi la.

Kiilaalu 13:8

Bari ñiŋ batuutaatiyo Elimas balanta ì la. Jirisi kaŋo to, a too si yelemandi noo batuutaatiyo fanaa la le. Aduŋ a ye a kata ka jooyoo maralilaa la lannoo murundi kooma.

1 Tesalonikankoolu 5:21

bari ali kuwolu bee kisikisi. Ali si i deŋ kuu betoo la.

Hoseya 14:9

Moo meŋ ñaamenta, wo be ñiŋ kuwolu fahaamu la le. Moo meŋ ka kuwolu bo noo ñoo to, wo be ñiŋ loŋ na le. Yaawe la siloo tilinta le, moo tilindiŋo ka taama ate le la, bari moo kuruŋo, wo ka taki a kaŋ ne.

Kuma Kotoomaalu 14:18

Moo sooneeyaariŋ baa ka kuntaŋyaa le keetaa, bari hakilimaa ka ke londitiyo le ti.

Kuma Kotoomaalu 14:15

Moo sooneeyaariŋ baa ka laa kuwolu bee la le, bari hakilimaa ka i miira a taañaa la le.

Kuma Kotoomaalu 14:8

Hakilidiimaa la ñaameŋo, wo le ka a so miiroolu la a taañaa to, bari toolewo la kuntaŋyaa maañaa le ka a filindi.