Kiilaalu 13:23 - Mandinka Bible

²³ “Ka bo ñiŋ bonsuŋo la Alla ye Kiisandirilaa Yeesu dii Banisirayilankoolu la, ko a ye ì laahidi nuŋ ñaameŋ.

Kiilaalu 13:23 ပူးပေါင်းရင်းမြစ်များ

Matiyu 1:1

Ñiŋ ne mu Yeesu Kiristu* bonsuŋolu saataroo ti, meŋ mu Mansa Dawuda koomalankoo ti aniŋ Iburayima koomalankoo.

Jabuuroolu 132:11

Yaawe, i ye laahidi bambandiŋo le dii Dawuda la, i te meŋ baayi la. I ye ñiŋ ne fo a ye ko, “M be i diŋo le ke la i noo to mansa ti, meŋ be bo la i faŋo balajaatoo bala.

Lankenemoo 22:16

“Nte Yeesu le ye n na malaayikoo kii i kaŋ, ka ñiŋ kuwolu seedeyaa n na kafoolu ye taariŋ. Nte le bota Mansa Dawuda bala, aniŋ nte le mu Dawuda koomalankoo ti. Nte le mu Subaalooloo diimaa ti.”

Yuuda 1:25

Jayiroo be ate le ye, meŋ dammaa mu Alla ti, aniŋ ǹ na Kiisandirilaa. Jayiroo be ate le ye, ka bo niŋ Yeesu Kiristu la, m̀ Maarii. Semboo niŋ waroo, mansayaa, maraloo niŋ kantiiyaa bee be ate le ye, janniŋ duniyaa daa waatoo la, ka naa bula saayiŋ na, fo abadaa. Amiin.

Kiilaalu 13:32

“Ŋà kibaari betoo le samba naŋ ali ye, Alla ye meŋ laahidi m̀ mumuñolu ye.

Roomankoolu 1:3

Ñiŋ kibaari betoo ye a Dinkewo le la hadamadiŋyaa kuwo le yitandi ko, a wuluuta Dawuda koomalankoolu le kono.

2 Samuweli 7:12

Niŋ i la waatoo siita, aduŋ i niŋ i la alifaalu be laariŋ kaburoo kono, m be i diŋo le ke la i noo to, meŋ be bo la i faŋo balajaatoo bala, aduŋ m be a la mansayaa bambandi la le.

1 Yohana 4:14

Ŋà a je le, aduŋ m̀ be a seedeyaa kaŋ ko, m̀ Faamaa ye a Dinkewo kii naŋ ne ka ke duniyaa moolu la Kiisandirilaa ti.

2 Pita 3:18

Wo noo to, ali si yiriwaa m̀ Maarii niŋ ǹ na Kiisandirilaa Yeesu Kiristu* la hiinoo niŋ a loŋo kono. Tenturoo niŋ jayiroo be ate le ye, saayiŋ aniŋ fo abadaa. Amiin.

2 Pita 3:2

fo ali kana ñina ñaatokumoolu la, annabiyomu senuŋolu ye mennu fo nuŋ, aniŋ m̀ Maarii niŋ ǹ na Kiisandirilaa ye yaamaroo meŋ dii ka bo niŋ ali la kiilaalu* la.

2 Pita 2:20

Ì ye m̀ Maarii niŋ ǹ na Kiisandirilaa Yeesu Kiristu* la kuwo loŋ ne fokabaŋ, meŋ ye a tinna ì kanata ñiŋ duniyaa la kuu nooriŋolu ma. Bari niŋ ì naata ì daa bula wo kuu nooriŋolu kono kotenke, fo wolu ye ì mara, wo to ì labaŋo le jawuyaata ì foloo ti.

2 Pita 1:11

aduŋ siloo si fanu ali ye ka duŋ m̀ Maariyo aniŋ ǹ na Kiisandirilaa Yeesu Kiristu la badaa-badaa mansabaayaa to.

2 Pita 1:1

Nte Simoni Pita, Yeesu Kiristu* la dookuulaa niŋ a la kiilaa*, m be ali kontoŋ na, alitolu mennu ye lanna kiliŋo soto Yeesu Kiristu kono ko ntolu. Ate le mu ǹ na Alla ti aniŋ ǹ na Kiisandirilaa. Ŋà wo lannoo soto ka bo niŋ ate le la tiliŋo la.

Titus 1:4

M be ite, Titus, kontoŋ na, meŋ mu n dinkee tooñaa ti lanna kiliŋo kono. Hiinoo niŋ kayiroo be i fee ka bo Alla bulu, m̀ Faamaa, aniŋ Kiristu Yeesu, ǹ na Kiisandirilaa.

Roomankoolu 11:26

Wo koolaa le, Banisirayilankoolu bee si naa kiisa ko a be safeeriŋ ñaameŋ: “Kiisandirilaa ka naa ka bo Siyoni*, a be allantaŋyaa bayi la Yaakuba koomalankoolu kono le.”

Kiilaalu 3:26

“Alla ye a la dookuulaa Yeesu kii alitolu le foloo kaŋ, aduŋ a ye a wulindi saayaa kono, fo a si neema ali ma, niŋ ali ye ali koo dii ali la kuruŋyaa la.”

Kiilaalu 2:30

A mu annabiyomoo le ti nuŋ, aduŋ a ye Alla la laahidi bambandiŋo loŋ ne ko, a koomalankoolu kono, kiliŋ be sii la a la mansasiiraŋo kaŋ ne.

Yohana 7:42

Fo Kitaabu Senuŋo maŋ a fo ko, Alimasiihu be ke la Dawuda koomalankoo le ti ka bo Betilehemu kono, Dawuda bota nuŋ daameŋ?”

Yohana 4:42

Ì ko musoo ye ko, “Saayiŋ, ntolu maŋ laa ñiŋ kamma la ko, i ye meŋ fo ǹ ye, bari m̀ faŋolu ye a la kumoolu moyi le. Aduŋ ŋà a loŋ ne ko, tooñaa, ñiŋ kewo le mu duniyaa moolu la Kiisandirilaa ti.”

Luka 1:69

A ye Kiisandirilaa sembemaa baa le dii ǹ na, ka bo a la dookuulaa Dawuda la lasiloo kono,

Matiyu 22:42

“Ali ye muŋ ne miira Alimasiihu* la kuwo to? Jumaa le dinkewo mu?” Ì ye a jaabi ko, “Dawuda le dinkewo mu.”

Matiyu 21:9

Aduŋ kafoo mennu be a ñaato, aniŋ mennu be a nooma, wolu be sari kaŋ santo ko, “Hosanna be Dawuda Dinkewo ye. Tenturoo niŋ jayiroo be ate le ye, meŋ ka naa Maariyo too la. Hosanna, fo saŋo santo.”

Matiyu 1:21

A be dinkewo le wuluu la, aduŋ i si a toolaa Yeesu la, kaatu ate le be a la moolu kiisandi la ka bo ì la junuboolu kono.”

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Amosi 9:11

“Luŋo be naa le, m be Dawuda la mansayaa lookuu la meŋ na, meŋ kasaarata ko buŋ tiñaariŋo. M be a faroolu bee suki la le, ŋa a dulaa tiñaariŋolu lookuu. M be a lookuu la le ko a be nuŋ ñaameŋ,

Yesaya 45:21

Ali a fo meŋ be ke la, ali ye a yitandi. Ali ye kuwo kacaa ñoo kaŋ. Jumaa le ye ñiŋ fo nuŋ kabiriŋ? Jumaa le ye a fo nuŋ koomanto? Fo nte Yaawe n te baŋ? Alla koteŋ te jee nte koolaa. Alla tilindiŋo niŋ kiisandirilaa doo te jee, nte dammaa le mu.

Yesaya 43:11

“Nte, nte le mu Yaawe ti, aduŋ nte koolaa kiisandirilaa te jee.

Yesaya 11:10

Wo luŋo la, maralilaa meŋ be bo la Yese bala ko yirisuloo, be loo la moolu ye bandeeriyaa le daa to. Bankoolu bee be tara la ate le kooma, aduŋ a sabatidulaa be faa la niŋ neemoo le la.

Yesaya 11:1

Yese koomalankoolu keta le ko yirijuu kuntoo, bari maralilaa be soroŋ na a bala le kotenke, a suloolu ye soroŋo fintindi, a ye diŋ.

Yesaya 7:13

Wo to le Yesaya ko, “Dawuda koomalankoolu, ali i lamoyi n na. Nte pasita ali la balambaatooyaa la le, saayiŋ ali lafita wo le tiliŋ na Alla fanaa la.

Kiilaalu 4:12

Kiisoo te soto noo la ka bo moo koteŋ na, kaatu too doo maŋ dii duniyaa kono, ǹ si kiisa noo meŋ na.”

Yeremiya 30:9

Bari ali be nte Yaawe, ali la Alla le batu la, aniŋ ali la mansakewo Dawuda koomalankoo, m be meŋ wulindi la ali ye.