Kiilaalu 10:26 - Mandinka Bible

²⁶ bari Pita ye a wulindi santo. A ko a ye ko, “Wuli, i ye loo, nte fanaa mu hadamadiŋo doroŋ ne ti.”

Kiilaalu 10:26 ပူးပေါင်းရင်းမြစ်များ

Lankenemoo 19:10

Wo to le n sujudita malaayikoo siŋolu to ka a batu, bari a ko n ye ko, “Wuli, kana wo ke! Nte mu i dookuuñoo le ti, aniŋ i baadiŋolu* dookuuñoo mennu ka Yeesu Kiristu* la kuwo seedeyaa. Alla batu! Mennu ka Yeesu la kuwo seedeyaa, ì ka kiilaariyaa kumoo fo ka bo niŋ Alla la Nooroo le la.”

Matiyu 4:10

Bituŋ Yeesu ko a ye ko, “Taa jana, Seetaanoo*! A be safeeriŋ ne ko: ‘Ali si sujudi Maariyo ali la Alla ye, aniŋ ali si ate doroŋ batu.’ ”

Yesaya 42:8

“Nte le mu Yaawe ti, wo le mu n too ti. N niŋ doo koteŋ te deŋ na n na kallankeeyaa* la, waraŋ ka n na buuñaa dii jalaŋolu la.

Yesaya 48:13

M faŋo le ye duniyaa fondamaŋo laa, m bulubaa buloo ye saŋ fatoolu waree. Niŋ ŋa ì kumandi, ì ka i danku m ma le.

Lankenemoo 13:8

Moolu mennu bee be baluuriŋ duniyaa kono, ì be a batu la le fo moolu doroŋ, mennu toolu safeeta baluwo kitaaboo kono biriŋ duniyaa fondamaŋo be laa la. Wo le mu Saajiiriŋo la kitaaboo ti, meŋ kanateyita.