Kiilaalu 1:20 - Mandinka Bible

²⁰ A be safeeriŋ Jabuura Kitaaboo kono ko: ‘Allamaa i la daakaa ye tumbuŋ, moo kana tu sabatiriŋ jee,’ aduŋ ‘Moo doo ye a la dookuu palaasoo taa.’

Kiilaalu 1:20 ပူးပေါင်းရင်းမြစ်များ

Jabuuroolu 69:25

Allamaa ì la daakaalu ye tumbuŋ, moo kana tu sabatiriŋ ì la tiriliisoolu* kono.

3 Musa 14:42

Ì si naa bere doolu taa, ì ye ì ke wo beroolu noo to, aduŋ a ñanta je la le fanaa ko, ì ye buŋo raaki potoo doo la.

Luka 20:42

Kaatu Dawuda faŋo ye a bankee Jabuura Kitaaboo kono le ko: ‘Maariyo ko m Maarii ye le ko, “Sii m bulubaa karoo la,

Luka 24:44

Bituŋ Yeesu ko ì ye ko, “Ñiŋ ne mu kuwo ti, ŋa meŋ fo ali ye, biriŋ m be ali fee nuŋ: Feŋ-wo-feŋ meŋ safeeta n na kuwo to Musa la Luwaa* kono, annabiyomoolu la kitaaboolu, aniŋ Jabuuroolu, wolu bee ñanta timma la le.”

Kiilaalu 1:16

“Baadiŋolu*, Alla la kumoo Yudas la kuwo to ñanta timma la le ko Noora Kuliŋo diyaamuta ka bo niŋ Mansa Dawuda la ñaameŋ. Ate Yudas le ye moolu ñaatonkayaa, mennu ye Yeesu muta.

Kiilaalu 1:25

Wo maarii si a noo taa ñiŋ dookuwo kono ka ke kiilaa ti, Yudas ye meŋ bula ka taa dulaa to, a ñanta taa la daameŋ.”

Kiilaalu 13:33

A ye a timmandi ǹ ye le, ntolu mennu mu ì diŋolu ti, kaatu Yeesu wulindita le ka bo saayaa kono. A be safeeriŋ fanaa Jabuura hijibu fulanjaŋo kono le ko: ‘I mu n dinkewo le ti. Bii luŋo la nte faŋo keta i faamaa le ti.’