Kawandilaa 9:9 - Mandinka Bible

⁹ I niŋ i la musoo ye duniyaa ŋaañaa, i ye meŋ kanu, ñiŋ baluu sutuŋo kono, Alla ye meŋ dii i la. Ŋaañaa a fee, i baluu tili nafantaŋolu la. Ñiŋ ne mu i niyo ti baluwo to, aniŋ i la kata kuwolu to, ñiŋ duniyaa tiloo koto.

Kawandilaa 9:9 ပူးပေါင်းရင်းမြစ်များ

Kawandilaa 2:10

Feŋ-wo-feŋ ye n ñaabo, m maŋ a siyaa m faŋ ti. Feŋ-wo-feŋ mu niidiyaa feŋo ti, m maŋ foo feŋ na wolu kono. Hani dookuwo to, n ka niiseewoo le soto jee, niiseewoo, n na kata kuwolu bee joo.

Malaki 2:15

Fo Yaawe le maŋ kewo niŋ a la musoo ke jaata kiliŋ aniŋ noora kiliŋ ti baŋ? Muŋ ne ye a tinna a ye wo ke? Kaatu a lafita le ali ye koomalankoolu soto, meŋ be bula la ate Alla nooma. Wo kamma la ali ali hakiloo tu ali faŋ to, ali kana foroyaabaliyaa tiliŋ ali la musoolu la, ali ye mennu futuu ali la fondinkeeyaa waatoo la.

Kawandilaa 6:12

Jumaa le ka a loŋ, meŋ beteyaata hadamadiŋo ye, a baluu tili dantaŋ nafantaŋo kono, meŋ ka tambi ko niiniyo? Jumaa le ka a fo noo meŋ be naa ke la ñiŋ duniyaa tiloo koto, ate faariŋ koolaa?

Kawandilaa 3:13

Alla la sooroo le mu hadamadiŋolu bee ye, ka domoroo niŋ miŋo ke, aniŋ ka niiseewoo soto i la dookuwolu to.

Kawandilaa 7:15

N na ñiŋ baluu nafantaŋo kono, ŋa moo tilindiŋo je le, a maŋ siimaayaa a la tiliŋo kaŋ. Ŋa moo kuruŋo fanaa je, a siimaayaata a la kuruŋyaa kaŋ. Ŋa ñiŋ kuu fuloo bee je n ñaa la le.

Kawandilaa 5:18

Nte naata meŋ je kuu kendoo ti, wo le mu ka domoroo ke, ka i miŋ. A beteyaata ka seewoo kuu kendoolu la i la kata kuwolu bee to, ñiŋ duniyaa tiloo koto, i baluu tili dantaŋolu kono, Alla ye mennu dii i la. Wo le mu i niyo ti.

Kawandilaa 3:22

Ŋa a je le ko, kuu bete te hadamadiŋo fee, meŋ fisiyaata faŋ seewondoo ti a la dookuwolu to. Wo le mu a taa ti. Jumaa le si a jerendi noo kuu la, meŋ be naa ke la, ate faariŋ koolaa?

Kawandilaa 2:24

Feŋ ne maŋ beteyaa hadamadiŋo ye, ka tambi domoroo niŋ miŋo la, aniŋ ka niiseewoo soto a la kata kuwolu to. Ŋa a je le ko, ñiŋ fanaa ka bo Alla le bulu.

Kuma Kotoomaalu 19:14

Buŋolu niŋ naafuloo ka keetaa wuluulaalu le bulu, bari musoo meŋ ka a kekuwo loŋ, wo ka bo Yaawe le bulu.

Kuma Kotoomaalu 18:22

Musu sotoo mu kewo fee kuu kendoo le ti, aduŋ a ka maakoyiroo soto Yaawe bulu le.

Jabuuroolu 144:4

Moo la baluwo la sutiyaa be le ko, niiseloo niŋ niijiyo teema, a ka yeemaŋ ne katabake komeŋ niiniyo.

Jabuuroolu 39:5

I ye n na baluu tiloolu ke le ko sibira kiliŋ, aduŋ n na baluwo loo la jamfoo maŋ ke i ñaa koto feŋ ti. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

1 Musa 26:8

Isiyaaka be jee fo waatoo doo, bituŋ Filisitini mansa Abimeleki ye yoofiiroo ke niŋ palanteeroo la. A ye Isiyaaka je minindiŋ a la musoo Rebeka la.