Kawandilaa 9:15 - Mandinka Bible

¹⁵ Kewo doo le tarata ñiŋ saatewo kono, fuwaaroo le mu, bari a ñaamenta baake. Ate le ye ñiŋ saatewo kanandi, a la ñaameŋo kaŋ. Bari moo le hakiloo maŋ naa bula ñiŋ kewo la.

Kawandilaa 9:15 ပူးပေါင်းရင်းမြစ်များ

1 Musa 40:23

Bari mindaŋ sambalaa kuntiyo ñiŋ hakiloo maŋ naa Yusufa la kuwo maa, a ñinata a la kuwo la le.

2 Samuweli 20:22

Wo to le musoo taata moolu bee yaa, a niŋ a la yaamari kendoo, aduŋ i ye Bikiri dinkewo Seba kuŋo kuntu, ì ye a fayi Yowabu kaŋ. Bituŋ a ye saakotoŋ binoo fee, aduŋ a la kewolu janjanta ka bo saatewo to, ì bee seyita ì la suwolu kono. Bituŋ Yowabu muruta mansa yaa Yerusalaamu.

Kuma Kotoomaalu 21:22

Moo ñaamendiŋo ka jarintewolu la saatewo boyinkaŋ ne, aduŋ ì be jikiriŋ ì la tatoo meŋ na, a ka a janjaŋ ne.

Kawandilaa 2:16

Moo ñaamendiŋo niŋ toolewo, ì bee too te tu la fo waati jaŋ. Waati be naa, ñinoo be ke la ì bee le la, ì bee be labaŋ na faa la le.

Kawandilaa 4:13

Fondinkee fuwaare ñaamendiŋo, wo le fisiyaata mansakee toolewo ti, meŋ ka balaŋ yaamaroo la a keebaayaa waatoo la.

Kawandilaa 7:19

Ñaameŋo ka semboo meŋ dii hakilimaa la, wo le ka tambi kantii taŋ na saatewo kono.

Kawandilaa 8:10

Ŋa moo kuruŋolu je le, ì ka Batudulaa Senuŋo taa niŋ naa. Moolu ye ì jayi wo saatewo kono, ì ka kuruŋyaa kuwolu ke daameŋ. Ì naata ì baadee niŋ horoma baa la. Ñiŋ fanaa maŋ ke feŋ ti.