Kawandilaa 7:5 - Mandinka Bible

⁵ Moo ñaamendiŋo la jalayiroo lamoyoo, wo le ye fisa toolewo la denkiloo lamoyoo ti.

Kawandilaa 7:5 ပူးပေါင်းရင်းမြစ်များ

Jabuuroolu 141:5

Niŋ moo tilindiŋo le ye m busa, wo mu m fee konotodiyaa le ti. A la n jalayoo, wo mu tulu seeralaa le ti n kuŋo to, a te ke la m fee kasi ti. Bari n ka duwaa le kuruŋolu la kuruŋyaa ye daŋ.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Kuma Kotoomaalu 13:18

Moo meŋ buka soŋ yaamaroo la, fuwaareyaa niŋ maloo mu a taa le ti, bari moo meŋ sonta kalamutandiroo la, ka buuñaa soto le.

Kuma Kotoomaalu 27:6

Niŋ i teeroo ye kuu dimindiŋolu ke i la, i si a muña noo, bari niŋ i jawoo ye i sumbu, i si i hakilitu.

Kuma Kotoomaalu 17:10

Jalayiroo ka duŋ moo la le, meŋ ye kuwolu bo noo ñoo to, ka tambi junkuru kemoo la toolewo bala.

Kuma Kotoomaalu 13:13

Moo-wo-moo balanta yaamaroo la, be a tinewo je la le, aduŋ moo meŋ sonta kuluuroo la, be joo soto la le.

Kuma Kotoomaalu 9:8

Niŋ i ye ñaawalilaa jalayi, a be i koŋ na le. I si moo ñaamendiŋo jalayi, wo be i kanu la le.

Jabuuroolu 69:12

Ì ye n ke kacaaraŋo le ti saatewo dundaŋ daa* to, aduŋ dolominnaalu ka denkiloolu laa le ka n teeliŋ.

Kuma Kotoomaalu 6:23

Kaatu ñiŋ yaamaroolu mu lampoo le ti, karandiroo mu maloo ti, aduŋ yitandiroo kuluuroo to, le mu duniyaa sambaraŋo ti.

Kuma Kotoomaalu 25:12

Komeŋ sani tulutotaa waraŋ saniforo ñaroo, wo le mu moo ñaamendiŋo la jalayiroo ti, a lamoyilaa ye.

Kawandilaa 7:4

Moo ñaamendiŋo sondomoo ka tara niikuyaa buŋ ne, bari toolewo, wo sondomoo ka tara niiseewoo buŋ ne to.

Kawandilaa 9:17

Moo ñaamendiŋo la sooneeyaa kumoolu, wolu le ñanta ka hakilitu ka tambi toolewolu la ñaatonkoo la saroo la santo.

Kawandilaa 12:11

Moo ñaamendiŋo la kumakaŋolu ka moo kenkeŋ ne ko kantarilaŋ dokoo. A la kuma kotoomaalu mulunta le ko peruu meluŋolu. Kumoolu ñiŋ bota Kantarilaa doo le bulu.