Kawandilaa 7:17 - Mandinka Bible

¹⁷ Kana tilimbaliyaa landatambindi, aduŋ i kana ke toolewo fanaa ti. Muŋ ne be a tinna i be faa la, i la waatoo maŋ sii?

Kawandilaa 7:17 ပူးပေါင်းရင်းမြစ်များ

Kuma Kotoomaalu 10:27

Yaawe ñaasilaŋo ka moo so siimaayaa le la, bari moo kuruŋolu ka sii dooyaa le soto.

Jabuuroolu 55:23

Ite Alla le be wo moofaalaalu niŋ neeneerilaalu ñori la kaburoo duuma, janniŋ ì be ì siyo talantewo baluu la. Bari nte de, ŋa n jikoo loo ite le kaŋ.

Yuuba 22:16

Ì ye ì ñafu, janniŋ ì la waatoo ka sii, ì ye ì koosa, komeŋ niŋ waamoo ye buŋo fondamaŋo koosa.

Kiilaalu 12:23

Wo loo niŋ baroo teema Maariyo la malaayikoo ye a busa, kaatu a maŋ horomoo dii Alla la. Tumboolu naata a domo, fo a faata.

Kiilaalu 5:10

Wo loo niŋ baroo teema, a boyita Pita siŋolu koto, a faata. Kabiriŋ fondinkewolu dunta konoto, ì ye a tara, a faata. Bituŋ ì ye a samba banta, ì ye a baadee a keemaa daala.

Kiilaalu 5:5

Kabiriŋ Ananiyas ye ñiŋ kumoolu moyi, a boyita duuma, a faata. Moolu bee mennu ye ñiŋ kuwo moyi, silaŋo naata duŋ ì la.

1 Samuweli 25:38

Tili taŋ ñaato Yaawe ye a ke, Nabali faata.

Yankuba 1:21

Wo kamma la, ali fata kuu nooriŋolu bee la, aniŋ kuruŋyaa siifaa bee. Ali soŋ Alla la kumoo ma, sooneeyaa bee kono. Wo mu kumoo le ti, meŋ fiita ali sondomoolu kono, aniŋ meŋ si ali kiisandi noo.

Esekiyeli 16:20

“Aduŋ i ye i dinkewolu niŋ i dimmusoolu taa i ye mennu wuluu n na ka ì jani jalaŋolu ye sadaa ti. Fo i la cakayaa maŋ kaañaŋ baŋ?

Esekiyeli 8:17

Bituŋ a ko n ye ko, “Hadamadiŋo, i ye a je le Yahuuda moolu ka kuu haraamuriŋolu mennu ke. Wolu maŋ kaañaŋ, ì ka tenteŋ ka fitinoo niŋ tilimbaliyaa janjandi bankoo bee kaŋ taariŋ, ì ka tenteŋ nte Yaawe kamfandoo le la. Ì ka tenteŋ ka nte Yaawe kamfandi hadaañiroo la.

2 Samuweli 6:20

Kabiriŋ Dawuda muruta a la suwo kono, ka neemoo daani a la dimbaayaa ye, Mikali meŋ mu Sawulu dimmusoo ti, fintita naŋ ka a benduŋ, aduŋ a ko, “Banisirayilankoolu la mansa ye a faŋo sikandi ñaameŋ bii, ka a la dendikoolu bondi a la dookuulaalu la joŋ sunkutoolu ñaa la, ko moo fuuriŋo.”

Kiilaalu 16:28

Bari Pawulu sarita a kaŋ santo ko, “Kana i faŋ barama! M̀ bee be jaŋ ne.”