Kawandilaa 6:8 - Mandinka Bible

⁸ Moo ñaamendiŋo be toolewo ñaato muŋ ne la? Fuwaaroo la maakuu moo kaŋ, a ye muŋ nafaa le soto a ye?

Kawandilaa 6:8 ပူးပေါင်းရင်းမြစ်များ

Kuma Kotoomaalu 19:1

Ka ke fuwaaroo ti, i ye ke moo tilindiŋo ti, le fisiyaata, ka ke toolewo ti meŋ ka tu faniyaa fo la.

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

Luka 1:6

Ì bee tilinta Alla ñaa koto le, ì ye Maariyo la luwaalu niŋ yaamaroolu bee le muta a ñaama.

Kawandilaa 5:11

Niŋ sotoo lafaata, domorilaalu fanaa ka siyaa le. A nafaa lee ì maariiñolu ye, fo ka a juubee doroŋ?

Jabuuroolu 116:9

Wo to m be tara la taama la ite Yaawe le fee baluwo kenoo to.

Jabuuroolu 101:2

M be n hakilitu la le n kana sootaari soto n kekuwolu to. Muŋ tuma le i be naa nte kaŋ ka n karandi? M be taama la konotoseneyaa le la n na maralibuŋo kono.

1 Musa 17:1

Kabiriŋ Iburama siyo be sanji taŋ kononto niŋ kononto, Yaawe* fintita a kaŋ, a ko a ye ko, “Nte le mu Alla ti, Alla Tallaa. N na siloo nooma, jalayiri te tara la i kaŋ.

Kawandilaa 6:9

Ka i ñaa loo feŋo kaŋ meŋ be i fee, wo le fisiyaata ka tara bori kaŋ, hame kuwo nooma doroŋ. Ñiŋ fanaa maŋ ke feŋ ti, a ka munta le ko foño bayindoo.