Kalatiyankoolu 4:24 - Mandinka Bible

²⁴ Ì la kuwo ye ñiŋ ne taamanseeri: Ñiŋ musu fuloo ye kambeŋ fuloo le yitandi. Kambeŋ foloo meŋ mu Hajara le ti, diita Sinayi Konkoo le kaŋ ka joŋ diŋolu wuluu.

Kalatiyankoolu 4:24 ပူးပေါင်းရင်းမြစ်များ

Kalatiyankoolu 4:25

Hajara mu Sinayi Konkoo la too doo le ti, meŋ be Araabuduu. A ka Yerusalaamu le la kuwo taamanseeri ko a be ñaameŋ saayiŋ, kaatu a be joŋyaa le kono, a niŋ a diŋolu.

1 Korintinkoolu 10:11

Ñiŋ kuwolu keta itolu la le ka ke dandalaaroo ti, bari ì safeeta le ka ke ǹ ye yaamaroo ti, duniyaa labaŋo la waatoo be looriŋ mennu kaŋ.

Matiyu 13:35

Ñiŋ keta le ka annabiyomoo la kumoo timmandi ko: “M be diyaamu la niŋ mansaaloolu le la. M be kuwolu le bankee la, mennu be maaboriŋ, kabiriŋ duniyaa daa waatoo la.”

Hoseya 11:10

Niŋ nte Yaawe bumbunta ko jatoo, n na moolu be bula la n nooma le. Niŋ m bumbunta, n diŋolu kijafaratoo si naa, ka bo tilijii karoo la.

1 Musa 25:12

Ñiŋ ne mu Iburayima dinkewo Isimayila koomalankoolu saataroo ti, meŋ mu Hajara Misirankoo dinkewo ti, Saara la jommusoo:

1 Musa 16:8

Bituŋ a kumata a ye ko, “Hajara, Saarayi la joŋ sunkutoo, i ka bo naŋ mintoo le, aniŋ i ka taa mintoo le?” A ye a jaabi ko, “M be bori kaŋ m maarii le ma, Saarayi.”

Hiburunkoolu 13:20

Alla meŋ ka kayiroo dii, ŋa a daani ali ye le. Ate le ye m̀ Maarii Yeesu wulindi ka bo saayaa kono ka baluu kotenke. Ñiŋ Yeesu naata ke Kantarilaa Baa le ti ntolu ye, a la saajiyolu, ka bo niŋ a faŋo yeloo la, meŋ mu yeloo ti a la badaa-badaa kambeŋo ye.

Hiburunkoolu 12:24

Ali naata Yeesu le kaŋ, meŋ mu kanjurilaa ti kambeŋ kutoo ye, a niŋ a yeloo meŋ sariŋ-sarinta. Wo le ka hiinoo la kumoolu fo ka tambi Haabiila yeloo la.

Hiburunkoolu 11:19

Iburayima laata le ko, Alla si furewolu wulindi noo saayaa kono le. Aduŋ ǹ si a fo noo a la ñiŋ kuwo to ko, Alla ye a diŋo seyindi a ma le ka bo saayaa kono.

Hiburunkoolu 7:22

Ñiŋ kaloo ye a tinna le, Yeesu keta sankayaaraŋo ti kambeŋ kutoo ye, meŋ beteyaata kambeŋ kotoo ti.

Kalatiyankoolu 5:1

Kiristu* ye m̀ firiŋ ne fo ǹ si tu firiŋo kono. Wo kamma la, ali loo bambandinke, ali kana soŋ, moo ye ali siti joŋyaa yookoo* koto kotenke.

1 Korintinkoolu 10:4

aduŋ ì bee ye Nooroo jii kiliŋo le miŋ ka bo Nooroo beroo to, meŋ tarata ì noo kaŋ. Wo beroo ñiŋ mu Kiristu* le ti.

Roomankoolu 8:15

Ali ye Nooroo meŋ soto, a maŋ ke joŋyaa nooroo ti ka ali tu silaŋo kono, bari wo mu diŋyaa nooroo le ti, meŋ ka a tinna ǹ ka sari ko, “Abba, m Faamaa!”

Esekiyeli 20:49

Wo to le n woosiita ko, “Hee m Maarii Yaawe! Moolu ka jutunnayaa kumoolu le fo m ma ko, n ka tu ntaaliŋ kenseŋo doroŋ ne laa la ì ye, ka ì filindi.”

5 Musa 33:2

A ko: “Ka bo naŋ Sinayi Konkoo santo, Yaawe* naata ǹ kaŋ. A wulita ko tiloo, a malata ǹ kaŋ ka bo naŋ Seyiri. A la maloo malamalata naŋ ka bo Parani Konkoo to, a niŋ malaayika wuliwuloolu, dimbaa be ŋalasi la a bulubaa karoo la.

Kalatiyankoolu 4:3

Ntolu fanaa la kuwo be wo le ñaama. Kabiriŋ m̀ be dindiŋyaa to nuŋ, ñiŋ duniyaa semboolu le ye ǹ joŋyandi.