Kalatiyankoolu 1:14 - Mandinka Bible

¹⁴ Ŋa Yahuudi diinoo loŋ ne ka tambi m fulaŋ jamaa la. Ñinnu ye n na hamoo la waroo le yitandi, ka m̀ mumuñolu la karandiroolu muta.

Kalatiyankoolu 1:14 ပူးပေါင်းရင်းမြစ်များ

Yesaya 29:13

Yaawe ko: “Ñiŋ moolu ka m batu ì daalu doroŋ ne la, ì ka m buuñaa ì neŋ kolomoo doroŋ ne la, bari ì sondomoolu jamfata n na le. Niŋ ì be m batu la, ì ka bula hadamadiŋolu la yaamaroo le nooma, ì ye meŋ karaŋ ì kuŋ fee.

Yesaya 57:12

Saayiŋ m be i la baaroolu waañaari la le, i ye mennu miira ko kuu tilindiŋolu le mu. Hani kiliŋ te tara la ñinnu kono meŋ si i nafaa.

Yeremiya 15:2

Niŋ ì ye i ñininkaa ko, ‘M̀ be taa mintoo le?’ a fo ì ye, nte Yaawe ye ñiŋ ne fo ko: Mennu taa mu alibalaa kuuraŋo ti, wolu niŋ alibalaa kuuraŋo le mu, mennu taa mu ka faa hawusaroo* la, wolu niŋ hawusaroo le mu, mennu taa mu ka faa konkoo la, wolu niŋ konkoo le mu, mennu taa mu ka taa mutoo kono, wolu niŋ mutoo le mu.”

Yeremiya 9:14

Ì ye wo tu jee le, ì kanjaaramaalu bulata kuwolu nooma ì faŋolu sondomoolu ye ì samba mennu kaŋ. Ì ka Baali* jalaŋolu le batu ko ì mumuñolu ye ì karandi a la ñaameŋ.”

3 Musa 13:16

Bari niŋ bala mereŋo ye a dati ka kendeyaa, a si muru piriisoo kaŋ.

Matiyu 15:6

Wo to alitolu ka moolu karandi ñiŋ ne la ko, moo maŋ ñaŋ na a faamaa waraŋ a baamaa horoma la. Wo to ali ye Alla la kumoo soosoo le ali la aadoo kamma la.

Kiilaalu 21:20

Kabiriŋ ì ye ñiŋ moyi, ì ye Alla jayi. Bituŋ ì ko Pawulu ye ko, “M̀ baadiŋo, i ye a je le saayiŋ, lannamoo wuliwuloolu be Yahuudoolu kono jaŋ, aduŋ ì bee be hameriŋ ne ka Luwaa muta.

Kiilaalu 22:3

“Nte mu Yahuudoo le ti. N wuluuta Tarisus saatewo le to, Silisiya tundoo kaŋ, bari n kuluuta jaŋ ne. Kamaliyel le ye n karandi kendeke m̀ mumuñolu la Luwaa la, aduŋ n tarata hameriŋ baake Alla la kuwo to le ko alitolu bee be ñaameŋ bii.

Kiilaalu 26:5

Itolu faŋo si n na kuwo seedeyaa noo le, niŋ ì lafita a ke la ko, nte be Farisewolu* la kafoo le kono. Ì ye a loŋ ne ko, ŋa ǹ na diinoo muta niŋ soobeeyaa le la, meŋ mu ǹ na kafoo la siloo ti meŋ maŋ ñoŋo soto.

Kiilaalu 26:9

“Tooñaa, nte faŋo ye a miira le nuŋ ko, n ñanta kuu jamaa le ke la ka balaŋ Yeesu Nasaretinkoo too ma.

Kolosankoolu 2:8

Ali ali hakiloo tu fo moo-wo-moo kana ali joŋyandi yinkaroo niŋ neeneeri kuma kenseŋolu la, mennu ka tara dendiŋ hadamadiŋolu la aada kuwolu la, aduŋ ì maŋ soto ka bo niŋ Kiristu la, bari ñiŋ duniyaa semboolu.

1 Pita 1:8

Ali nene maŋ a je ñaa-wo-ñaa, bari ali ye a kanu. Hani ali maŋ ate je saayiŋ, ali laata a la, aduŋ ali be faariŋ niŋ seewoo baa la, meŋ warata fo a te misaali noo la.