Jakariya 10:7 - Mandinka Bible

⁷ Efurayimu* moolu si ke ko kelejawaroolu, ì ye seewoo, ko meŋ ye wayinoo* miŋ. Ì diŋolu si ñiŋ je, ì fanaa ye jusulaa. Ì niyo si seewoo nte Yaawe la kuwo to.

Jakariya 10:7 ပူးပေါင်းရင်းမြစ်များ

1 Musa 18:19

Nte Yaawe le ye a tomboŋ, fo a si a diŋolu niŋ a koomalankoolu yaamari, ka tara n na siloo kaŋ, aniŋ ka tiliŋo niŋ tooñaa taamandi. Niŋ ì ye a ke, ŋa a laahidi meŋ na, m be a bee le ke la.”

1 Musa 43:34

Kabiriŋ ì ye domoroo dii ñiŋ baadiŋolu la ka bo Yusufa faŋo la taabuloo to, Benjamini taa le siyaata siiñaa luulu ka tambi a mooñoolu taa la. Bituŋ ì niŋ Yusufa ye domoroo ke ñoo kaŋ, ì ye miŋ feŋolu miŋ fo ì seewoota.

Jabuuroolu 102:28

Ntolu mu i la dookuulaalu le ti, aduŋ ǹ koomalankoolu be sii la tankoo le kono. Itolu fanaa koomalankoolu be tenteŋ na le ka baluu i ñaa koto.”

Jabuuroolu 104:15

Wayinoo* ka soto jee le, ka hadamadiŋo jusulandi, ka taa olifu* tuloo, ka a ñaadaa malamalandi, aniŋ mbuuroo, ka semboo dii a la.

Jabuuroolu 13:5

Nte ye n jikoo loo i la kanu bambaloo le kaŋ. M be jusulaa la le, kaatu i be n kiisa la le.

Jabuuroolu 28:7

Yaawe le mu n semboo ti, aniŋ n na tankaraŋ koteeroo*, n jikita a la niŋ n sondomoo bee le la. A ye m maakoyi le, aduŋ n jusulaata baake le. Wo kamma la, m be a tentu la niŋ suukuwolu le la.

Jabuuroolu 33:21

Ǹ jusulaata ate le la kuwo to, kaatu ǹ jikita a too senuŋo le la.

Jabuuroolu 90:16

I la kaawakuwolu yitandi ntolu la, i la dookuulaalu, aduŋ i si i la kallankeeyaa* yitandi ǹ koomalankoolu fanaa la.

Yesaya 25:9

Wo luŋo la, ñiŋ ne be fo la, “A fele, ñiŋ ne mu ǹ na Alla ti, ǹ jikita a la le, aduŋ a ye ǹ tankandi. Ñiŋ ne mu Yaawe ti, ǹ jikita meŋ na. Ali ŋà seewoo, ka jusulaa a la kiisandiroo la.”

Yesaya 38:19

Baluuriŋolu mennu be baluuriŋ, ì ka i jayi le ko ŋa a ke ñaameŋ bii, faalu ka i la tiliŋo seyinkaŋ ì diŋolu ye le.

Yesaya 54:13

Nte Yaawe le be i dinkewolu bee karandi la, aduŋ i diŋolu be tara la kayira baa le kono.

Yesaya 66:14

Niŋ ali ye ñiŋ je, ali be seewoo soto la ali sondomoo kono le, aduŋ ali be wulikuu la le ko ñaamoo, Yaawe la dookuulaalu be a semboo je la le, bari a be a la kamfaa yitandi la a jawoolu le la.

Yeremiya 32:39

M be ì ke la sondome kiliŋ ne ti, aniŋ ka tara sila kiliŋ, fo n ñaasilaŋo si tara ì kono fo abadaa. Wo be ke la ì faŋolu la nafaa le ti, aniŋ ì koomalankoolu la nafaa.

Esekiyeli 37:25

Ì be sabati la bankoo le kaŋ, ŋa meŋ dii Yaakuba la, n na dookuulaa, ì mumuñolu be sabatiriŋ nuŋ daameŋ. Itolu niŋ ì diŋolu, aniŋ ì diŋolu diŋolu be sabati la jee le fo abadaa, aduŋ Dawuda n na dookuulaa le be ke la ì la mansa ti.

Yoweli 2:23

“Siyoni moolu, ali kontaani, ali ye seewoo Yaawe la kuwo la, ali la Alla. A la beteyaa kaŋ, a ye samaajiyo dii ali la, a ye jiyo boŋ ali ye naŋ fo a fuumata, samaa foloo jiyo aniŋ samaa labaŋ jiyo, ko a be nuŋ ñaameŋ.

Habakuki 3:18

bari hani wo ñaa-wo-ñaa, nte be seewoo la Yaawe* la kuwo la le, m be seewoo la Alla la kuwo la le, n Kiisalaa.

Sefaniya 3:14

Dimmusuriŋ* Siyoni*, denkiloo laa, Banisirayila, sari santo. Dimmusuriŋ Yerusalaamu, kontaani i ye i faŋ niyo seewondi.

Jakariya 12:8

Wo luŋo la, m be Yerusalaamunkoolu tanka la le. Hani ì bee moo lamfuriŋo, a semboo si ke ko Mansa Dawuda semboo, aduŋ Dawuda koomalankoolu be ì ñaatonkayaa la le ko nte Alla, ko nte Yaawe la malaayikoo.”

Jakariya 9:15

Yaawe Alihawaa Maariyo* be a la moolu kanta la le. Ì be ì jawoolu la kampuraŋ beroo muta la le, ì ye dori ì kaŋ. Ì si ì jawoolu yeloo boŋ, ì ye faa yeloo la ko keraŋo, ì ka meŋ taa ka yeloo sariŋ-sariŋ sadaajanidulaa* tonkoŋolu to. Ì jawoolu yeloo si ì siirandi, ì ye wuuri ko dolomintoolu.

Jakariya 9:17

A si ke kuu bete ti, aniŋ kuu ñiimaa. Bankoo siimaŋo niŋ a wayini* kutoo, si a fondinkewolu bambandi, a ye ì yiriwandi.

Luka 1:47

n niyo seewoota Alla la kuwo to, n na Kiisandirilaa.

Yohana 16:22

Wo ñaa kiliŋo la, ali ye niikuyaa le soto saayiŋ, bari m be ali je la le kotenke. Wo to le ali niyo be faa la niŋ seewoo la, aduŋ moo te wo seewoo taa la ali bulu.

Kiilaalu 13:33

A ye a timmandi ǹ ye le, ntolu mennu mu ì diŋolu ti, kaatu Yeesu wulindita le ka bo saayaa kono. A be safeeriŋ fanaa Jabuura hijibu fulanjaŋo kono le ko: ‘I mu n dinkewo le ti. Bii luŋo la nte faŋo keta i faamaa le ti.’

Kiilaalu 2:26

Wo kamma la n jusulaata le, n neŋo ye a tentu. M baloo fanaa be tara la jikoo le kono.

Kiilaalu 2:39

Kaatu Alla la laahidoo mu alitolu le taa ti, ali la dindiŋolu, aniŋ moolu bee, mennu be dulaa jaŋ. A be moo-wo-moo le ye, Maariyo, ǹ na Alla ye meŋ kumandi a kaŋ.”

Filipinkoolu 4:4

Ali kali tu seewooriŋ Maariyo kono! Aduŋ m be a fo la kotenke, ali seewoo!

1 Pita 1:8

Ali nene maŋ a je ñaa-wo-ñaa, bari ali ye a kanu. Hani ali maŋ ate je saayiŋ, ali laata a la, aduŋ ali be faariŋ niŋ seewoo baa la, meŋ warata fo a te misaali noo la.

1 Samuweli 2:1

Bituŋ Hanna duwaata, a ko: Yaawe* la kuwo kamma la n sondomoo faata niŋ seewoo le la. Yaawe ye n ke sembemaa ti. N daa si kuma baalu fo n jawoolu ma. N seewoota ñaameŋ, kaatu ite ye n tanka le.