Jabuuroolu 99:5 - Mandinka Bible

⁵ Ali Yaawe jayi ǹ na Alla. Ali sujudi a ye a siŋ looraŋo to. Yaawe seneyaata le!

Jabuuroolu 99:5 ပူးပေါင်းရင်းမြစ်များ

Jabuuroolu 132:7

Bituŋ ǹ ko, “Ali ŋà taa Yaawe la sabatidulaa to. Ali ŋà sujudi a siŋo koto.”

Yesaya 66:1

Yaawe* ye ñiŋ ne fo ko: “Arijana le mu n na mansasiiraŋo ti, duniyaa mu n siŋ looraŋo ti. Ali be buŋo meŋ loo la n ye, a be ke la muŋ buŋ siifaa le ti? N na dahaa dulaa be ke la muŋ dulaa siifaa le ti?”

Jabuuroolu 108:5

Kooni Alla, i la horomoo faramansandi saŋ fatoolu kaŋ, i ye duniyaa bee fandi i la semboo niŋ waroo la.

Jabuuroolu 34:3

Ali kafu m ma ka Yaawe la waroo kankulaa, ka a too la waroo suukuu ñoo la.

2 Musa 15:2

N semboo ka bo Yaawe le bulu, n ka suukuwo laa ate le ye, a keta n tankandirilaa le ti. Ate le mu n na Alla ti, m be a jayi la le, m faamaa la Alla, m be a sikandi la le.

Yesaya 25:1

Hee Yaawe*, ite le mu n na Alla ti, m be i sikandi la le, m be i too jayi la le, kaatu i ye kaawakuwolu le ke. Biriŋ koomanto, i la feeroolu tilinta le, ì bambanta.

Yesaya 12:4

Wo luŋo la, ali be a fo la le ko: “Ali tenturoo dii Yaawe la, ali ye a batu a too la. Ali a fo bankoolu bee ye, a ye kuwolu mennu ke, ali ye a kankulaa ko, a too kuliyaata le.

Jabuuroolu 99:3

Batu ì ye a jayi a too la, a too silaŋñaa warata le. Yaawe seneyaata le!

Jabuuroolu 118:28

Ite le mu n na Alla ti, m be i tentu la le. Ite le mu n na Alla ti, m be i la waroo fo la le.

Jabuuroolu 107:32

Ì ñanta le ka a la kuwo kidimandi niŋ jamaa benta, aniŋ ka a jayi ì la alifaalu la beŋo to.

Jabuuroolu 99:9

Ali Yaawe jayi, ǹ na Alla, ka sujudi a ye a la konko senuŋo* to. Kaatu ǹ na Alla, Yaawe seneyaata le!

Jabuuroolu 21:13

Yaawe, jayiroo be i ye i la bambaŋo kaŋ. M̀ be suukuwo laa la le ka i jayi i semboo kaŋ.

3 Musa 19:2

ka a fo Banisirayila jamaa moo bee ye ko: Ali si seneyaa, kaatu nte Yaawe ali la Alla seneyaata le.

1 Taarika 28:2

Bituŋ a wulita a loota, a ko ì ye ko: “M baadiŋolu niŋ n na moolu, ali i lamoyi n na. Ŋa ñiŋ hame ka buŋo loo, Yaawe la Kambeŋ Kunewo* ye tara jee, Yaawe siŋ looraŋo. Ŋa parendiroo ke le ka ñiŋ buŋo loo.

Hoseya 11:7

N na moolu ka tenteŋ ne ka balaŋ m ma, bari hani niŋ ì ye ì la Baali jalaŋo kili, a te ì la yookoo sika noo la ì kaŋ.