Jabuuroolu 97:9 - Mandinka Bible

⁹ Yaawe, ite le mu maralilaa baa ti duniyaa kunto. Ite warabaata le ka tambi alloolu bee la.

Jabuuroolu 97:9 ပူးပေါင်းရင်းမြစ်များ

Jabuuroolu 95:3

Kaatu Yaawe warata le, aduŋ ate le mu Mansa baa ti, meŋ warata alloolu bee ti.

Jabuuroolu 83:18

fo ì si a loŋ ko, ite doroŋ ne mu Yaawe ti, aniŋ ko, ite le mu Mansa Tallaa ti, duniyaa bee kunna.

2 Musa 18:11

Saayiŋ ŋa a loŋ ne ko, Yaawe le semboo warata alloolu bee ti, kaatu a ye ñiŋ ke moolu le la, mennu ye ì faŋ wara Banisirayilankoolu ti, ka ì mantoora.”

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Jabuuroolu 135:5

Nte ŋa a loŋ ne ko Yaawe warata le, ntolu Maariyo le warabaata ka tambi alloolu bee la.

Efesusinkoolu 1:21

Alla le ye a la kuwo warandi maralilaalu bee ti, kantiyolu, semboolu aniŋ maraloo bee, aduŋ a too le warata toolu bee ti, mennu be ñiŋ duniyaa kono, aniŋ laakira siniŋ.

Jabuuroolu 96:4

Kaatu Yaawe warata le, aduŋ a ñanta tentu la le famfaŋ, ate le silaŋñaa ñanta wara la alloolu bee ti.

Yeremiya 10:8

Ì bee mu hakilintaŋolu niŋ toolewolu le ti, wo jalaŋ fuuriŋolu la karandiroo, yiri kenseŋo!

1 Taarika 17:20

“M̀ Maarii Yaawe, i maŋ ñoŋo soto. Ŋà meŋ bee moyi ǹ tuloo la, wo ye a koyindi le ko, Alla koteŋ te keriŋ fo ite dammaa.

Jabuuroolu 92:9

Hee Yaawe, a fele, i jawoolu wo, a fele, i jawoolu be kasaara la le. Kuu jawu kelaalu bee le be janjaŋ na.

Jabuuroolu 136:2

Ali Alla tentu, mansoolu la Mansoo, a la kanu bambaloo be tu la le fo abadaa.

Yesaya 33:5

Yaawe warata le, aduŋ a be sabatiriŋ santo le. A be Siyoni* ke la tiliŋo niŋ tooñaa dinkiraa le ti.