Jabuuroolu 97:6 - Mandinka Bible

⁶ Saŋ fatoolu ka a la tiliŋo kankulaa, aduŋ duniyaa moolu bee ka a la semboo niŋ waroo je.

Jabuuroolu 97:6 ပူးပေါင်းရင်းမြစ်များ

Jabuuroolu 50:6

Saŋ fatoolu ka Alla la tiliŋo kankulaa le, bayiri ate le mu kiitiiteyilaa ti. S

Jabuuroolu 19:1

Saŋ fatoolu ka Alla la kallankeeyaa* bankee le, minaayoolu ka a buloo la daaroo kankulaa le.

Yesaya 66:18

“Ŋa ì kekuwolu niŋ ì la miiroolu loŋ ne. Saayiŋ waatoo siita le, ka moolu bendi ñoo kaŋ, ka bo kaŋolu to, mennu be bankoolu bee to, ka n na kallankeeyaa yitandi ì la.”

Yesaya 45:6

i si a je tiloo ka wuli daameŋ, aniŋ a ka boyi daameŋ, moolu si a loŋ ko, doo te jee nte koolaa. Nte le mu Yaawe ti, doo te jee.

Yesaya 40:5

Yaawe la kallankeeyaa* be lankenema la le, hadamadiŋolu bee ye a je ñoo la. Yaawe faŋo le ye a fo.”

Yesaya 6:3

Ì tarata a fo la ñoo ye le ko, “Seneyaa, seneyaa, seneyaa be Yaawe* Alihawaa Maariyo* le fee. Duniyaa bee be faariŋ a la semboo niŋ a la waroo le la.”

Jabuuroolu 67:4

Duniyaa moolu bee si seewoo ka suukuwo laa, kaatu i ka kiitiyo kuntu moolu teema tiliŋo le la, aduŋ i ka siloo yitandi duniyaa bankoolu bee le la. S

2 Samuweli 22:47

Yaawe be baluuriŋ ne! Jayiroo be n na semberaŋ beroo ye, Alla too buuñaariŋo, semberaŋ beroo, n tankandilaa.

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Matiyu 6:9

Wo to ali ñanta duwaa la teŋ ne: M̀ Faamaa meŋ be Arijana, Allamaa i too senuŋo horoma la.

Habakuki 2:14

Duniyaa bee si faa londoo la, Yaawe la semboo niŋ a la waroo kuwo to, ko baa ka tara faariŋ jiyo la ñaameŋ.”

Yesaya 1:2

Saŋ fatoo, i lamoyi! Bankoo, i tuloo loo! Kaatu Yaawe* le ka naa diyaamu. A ko, “Ŋa dindiŋolu kuluu le fo ì menta, bari ì ye balaŋo le tiliŋ n na.

Jabuuroolu 98:3

A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

Jabuuroolu 89:5

Yaawe, Arijana bee ka i jayi i la kaawakuwolu kaŋ ne. I la malaayika kafoo le ka i la tiliŋo laa suukuwo ti.

Jabuuroolu 89:2

M be a fo la le ko, i la kanu bambaloo loota le ka bambaŋ fo abadaa, aduŋ i la tiliŋo be bambandiŋ ne komeŋ saŋ fatoolu.

4 Musa 14:21

A be koyiriŋ ñaameŋ ko nte be keriŋ ne, aniŋ ko n na kallankeeyaa* be duniyaa bee kono ñaameŋ, ŋa n kali ñiŋ na ko: